去呢幢大廈除咗要去$12店買嘢外，就係黎呢度搵食，今晚同友人就去16樓食鷄煲只需$168 (仲要免加一)，就可以任飲任食二小時，出去鋸個扒仔都係咁上下價錢，但呢度係任食任飲喎，唔怪之得不停翻枱 卡位佔大多數，罐裝汽水/茶類自己出去雪櫃拎，仲有日本啤酒同Somersby都係任斟，正喎! 先上鷄煲，二人份係半隻鷄份量 (每位加$10可以任食) ，辣度要咗BB辣，當滾起時，已經聞到香味 配料有香甜紫洋蔥，芫茜再多D就仲好，鷄件被濃香惹味鷄煲醬包圍住，少少辣剛好惹人胃口 餐紙有教可加花膠/水魷/牛柏業/豬皮 三種食材搭上惹味鷄煲醬，索咗醬汁味道，果然係好夾，不禁黎多ROUND (反正係任叫任食......哈哈) 食到咁上下就可以加湯打邊爐，火鍋食材係掃二維碼自己落單，都幾方便又環保支竹/豬肚/豬紅/冰豆腐/牛柏業/水魷 好似大雜燴咁，唔同口感嘅食材共冶一煲 打邊爐又點少得牛肉，呢度提供美國肥牛，加$48可以有半磅美國安格斯肥牛 灼兩灼一轉色就食得，肉味幾出又唔韌，絶對收貨菇類/芋絲/豬潤/魚皮餃/牛丸都有叫，炸魚皮就空口食又得，浸湯3秒食又得..............得咗! 見到有我最愛嘅紅薯粉，友人就要烏冬，多一點澱粉質會飽得耐一D............. 入黎前係門口已經見到呢幾個冰櫃 咁就唔客氣啦，懷舊紅豆冰條同呢客玄米茶雪糕絶對不能錯過，食完相當滿足呀!! #food #foodie #foodpic #tasty #hkig #foodpics #yummy #ublog #重慶鷄煲 #任飲任食 #二小時 #超值
