呢間泰菜店幾年前食過，今晚再度歸來，分室內同室外用餐區，室外燈光柔和，佈置有別於傳統泰菜餐廳 今晚坐於室外，有多部冷氣調節溫度，一D都唔熱，仲可以望到街景，慢慢望住天空入黑，歡喜嘅可以叫杯酒類飲品CHILL下先食飯! 酷熱天氣警告，即使晚上都仲有三十幾度，先黎個柚子沙律 ($98)，清新及喚醒一下味蕾 相比起平日食到嘅泰式沙律，呢度嘅份量可謂相當多，材料有一梳梳清甜柚子肉，咬落爆汁，仲有紫洋蔥，芽菜等爽口食材，加埋原粒香脆腰果，增加咬口，個酸辣汁帶少許甜味，又食到炸蒜，乾蔥及蝦子嘅香味，引起食慾絶對幫到手! 友人係咖哩愛好者，特別點名呢客椰香紅咖哩鷄 ($108)，辣度係兩隻辣椒 侍應送上枱後，未食已經聞到咖喱香味，鷄肉份量唔會係數得出得幾件，亦有其他配菜如泰茄(我歡喜呀)，豆角，菠蘿粒，青豆，紅椒及金不煥，真係好泰FEEL 咁惹味嘅咖哩汁又豈能浪費?! 點選D可索汁嘅食物 - 烤薄餅...........烤薄餅嘅功能比美白飯 轉換口感，外脆又帶點筋性嘅薄餅，沾滿一身紅咖哩汁，醬汁味道係口腔徘徊........... 就係呢碟新式火焰老虎蝦，上菜時令到我地張枱成為十零秒焦點..........哈哈 侍應係老虎蝦上淋上點好嘅火酒 老虎蝦瞬間披上火衣，隔離枱同我地都為之哇哇聲........火熄咗就食得，個醬汁以紅咖喱為膽 (唔怪之得個味咁熟)，再加上椰汁及其他香料，食落味道係帶多一份甜味，辣味比較溫和; 用叉一整已可以輕易起肉，蝦肉入口彈牙，配上惹味醬汁，單食都唔會覺得味濃，只覺得唔錯喎! 係隔離飯香系列 : 蝦醬炒通菜 ($88)，蝦醬同通菜簡直係夢幻組合，無得輸，蝦醬份量適中，唔會一味死咸，係偶然食到一兩條有渣! 飯粉麵類佳麗今晚由濕炒海鮮河 ($118)勝出 底層嘅河粉被青口，魷魚，蝦及雜菜所掩護住，份量足夠2-3人分享 獻汁帶有豆醬味道，包圍住每種食材，發出光亮感，而河粉亦增加了其滑度!呢度亦提供泰式甜品，但已經好飽，未有為佢預留位置.............下次啦.....下次實為甜品留位嘅!#thai #ublog #dinner #thaifood #thaistyle #thaimaster
