慶祝一個特別日子, 想食海鮮但又唔想食中式, 於是就去左呢間主打新奧爾良煮法既餐廳 以龍蝦做標誌, 即刻令人諗起呢間主打應該係食海鮮 打開餐牌, 當然有佢招牌菜"船長海鮮拼盤"(有冷熱食法), 可自選3 ($398), 5 ($498)及8 ($698)種海鮮, 另外有活龍蝦及虎蝦就再另加市價 當然仲有提供其他小食, 沙律, 意粉類, 肉類主菜及甜品 餐枱上放置左食海鮮既工具及圍裙, 幾體貼 我地點左熱船長海鮮拼盤(3種), 包括青口, 翡翠螺及長腳蟹腳配檸檬牛油汁 打開膠袋散出熱騰騰香氣, 份量都唔算少, 加埋薯仔(好粉, 正), 粟米, 肉腸 蟹腳都有肉, 但味道偏咸, 食完一隻可一口氣飲晒成杯水 主菜類叫左燒美國豬肋骨(半份$178) 份量亦算多, 有成條肋骨, 配以甜甜地既醬汁, 加上肉質幾嫩滑, 用刀叉都容易切開, 唔錯! 但個伴碟薯條食頭半條係覺熱辣辣都幾好, 但再食就覺好咸, 落得太多調味粉, 食左2條已經投降, 當然又要飲水啦 水牛芝士蕃茄扁意粉($138) 芝士味偏淡口, 蕃茄味好搶, 食落幾醒神, 最欣賞佢既意粉幾有口感, 軟硬度適中 用餐途中, 侍應會為幫忙換碟及加水, 而助理經理亦有問今餐食物如何? 向佢表示翡翠螺有D沙及食物過咸, 佢話會向廚房反映, 態度友善! 訂枱時亦表示用餐時段由六時半至八時半, 時間都頗充裕, 唔會食得太趕急! 地址 : 尖沙咀厚褔街8號 H8 18樓 contact me : gingerszeto@yahoo.com.hk
