平時去中港城, 多數都因為上船過澳門, 呢晚黎到並唔係要過大海, 而係去隔離皇家太平洋酒店堤岸食飯 知道可以望到海景, 所以一早電話訂座時表示希望可以坐於窗口側邊, 結果真係可以安排到, 環境舒適而寧靜, 情侶們談心好地方 侍應送上I-PAD作點菜之用, 又幾潮喎 食物種類較平日為少, 只有以上呢一頁, 而呢間餐廳亦係BAR, 所以MENU內亦提供不少酒精飲品類選擇! 點菜過後, 侍應送上幾款面包 見到有面包, 所以我地亦配以一個香濃野菌泡沬香草濃湯($88) 一入口已嚐到香濃既菌味, 配以一口面包, 感覺幾唔錯 之後再送上凱撒沙律作頭盤 ($98) (但事後先發現唔見有所寫既香草包) 同一路食開既凱撒沙律有出入, 例如面包粒變為溫泉蛋, 味道普通 主菜2款分別為 - 美國頂級肉眼扖 ($380) 要求七成熟, 切開肉質好Juicy, 好夠肉味又唔嚡, 相當唔錯 再另加伴菜 - 海鹽黑松露炒手指薯 ($48) 熱辣辣好香薯味, 海鹽味道適中, 亦聞到黑松露既香味 另一款主菜為鮮蟹肉香茄手造闊條麵 ($208) 鮮蟹肉份量唔少, 食得出有蟹肉味, 而配以香茄醬汁, 好開胃, 減低闊條麵既膩感, 但由於冷氣關係, 要趕快吃吧! 呢餐埋單要九百幾蚊, 食物水準配埋環境服務質數, 試一次應該夠吧! contact me : gingerszeto@yahoo.com.hk
