機票減價就聽得多，但今次燃油附加費減價，你又知唔知咩事？ 其實燃油附加費既出現，可追溯返03年既美伊局勢，當時國際原油價格升至USD40一桶，創十二年既新高。所以就有十二間航空公司向民航處申請，向乘客收取每程，四十至一百元不等的燃油附加費。 燃油附加費的目的，是在航油價格出現波動時，幫助航空公司收回部分的額外經營成本。而民航處會按照有關的雙邊民用航空運輸協定，每月審批航空公司的燃油附加費申請。 所以隨著03年油價開始上升，長途及短途航班的燃油附加費一度超過HKD1000及HKD250。直至近月才逐漸回落。 而最新公布，三月份既附加費水平，短途航班最高為HKD42元，長途航班最高為HKD187元，比上月公布的附加費水平，短途航班最高為HKD81元，長途航班最高為HKD356元，減幅左48%！！！ 不過要留意，燃油附加費是以發出機票日期為準，所以之前已經買左機票既，燃油附加費係唔會減返轉頭既。 而如果想知道各航空公司所獲准徵收的燃油附加費水平，可以去民航處網頁睇下：www.cad.gov.hk/chinese/fuel_surcharge.htm 其實國際原油價格跌左咁多，內地既航空公司本月起已停燃油收附加費。 所以睇黎下幾個月既燃油附加費都應該仲有得減。 如果大家唔心急買機票既，不仿可以睇埋每個月尾公布既附加費水平。 隨時一蚊燃油附加費都唔使俾！！ ================================================== 》》即刻追蹤〔魏空少〕專頁，發掘更多實用旅遊資訊！ [FB FansPage] https://www.facebook.com/IM.FAKE.FA [UBlog] https://blog.ulifestyle.com.hk/blogger/fakefahk/ [熱新聞專欄] http://yes-news.com/?p=thepeople&blogid=594 [EMAIL] fakefahk@yahoo.com.hk ==================================================
