日本｜你真識嘆！九州暖LOVE LOVE！ 農曆新年又就黎到，凍冰冰，最好就係可以去浸溫泉喇。 咁去邊到浸溫泉好呢？日本一定係首選喇！ 今次魏空少就為大家介紹呢一個係九州既溫泉喇。 仲搵黎好鍾意周街沖涼既靜香同大家見個面添！ 眾所周知，日本大分縣湯布院係傳統既溫柔鄉！！WOOOO….！(係溫泉之鄉先岩XD)。果度有好多好出名既溫泉酒店，之不過，因為大家都知靜香比較怕羞既關係，要光脫脫咁浸”大眾湯”，佢係會接受唔度既，所以今次就BOOK左間係湯布院溫泉酒店中都數一數二既- [由布の彩YADOYAおおはし]，貪佢每間房都有露天私人風呂！↓ [由布の彩YADOYAおおはし]全館只有14間房，所以每間房與房之間都一大段距離，而且一間房只可住2個人，仲絕不招待小朋友，環境仲非常清幽寧靜呀！！呢個安排呢真係非常適合情侶同兩公婆黎嘆返下（不過現場所見，都有Ｄ係兩個女仔一齊黎住既，但兩個男仔就……HEHE ↑今次入住既就係[由布の彩YADOYAおおはし]其中一間面積最大既皇牌房型 - 利休鼠 (即是上圖右下角果間) 一入到去，嘩！好大呀！嘩！！按摩椅呀！嘩！！！好大個花園呀！ 點擊圖片放大 +2 E。。。前面咪就係由布岳囉！！！ ↓ 不過。。。個溫泉呢？？？？ 原來要穿過屋內小徑，先到達室內溫泉和浴室（會唔會大左少少。。。）↓ 嘩嘩嘩！重點黎啦！露天溫泉呀！！仲要係（未煲過既）由布岳天然溫泉水呀！真係望到都想跳落去！！( 嘩！！大雄已經除緊衫喇！！／0＼)↓ 浸完之後餓餓地，換件靚靚浴衣就準備食晚餐喇。（隱藏人物登場XD） ＠＠酒店晚餐竟然係Ａ５黑毛和牛壽喜鍋！！太驚喜了吧！ HAHA唔知可唔可以拎２隻返去整溫泉蛋呢！/0\ ↓ 第二天既酒店早餐都好豐富呀！ 點擊圖片放大 食完早餐，數數手指，晚餐前一次，晚餐後一次，早餐前一次。。。原來都浸左３次溫泉喎！！ 可惜歡樂既時光過得特別快，又就快要拜拜喇。。。 真係好唔捨得呢！！！ 下次一定要帶埋MR. BROWN黎先XD 咁講咗咁耐，你地又一定好想知道究竟住一晚要幾錢？ 皇牌房連一泊二食60,000YEN/Night (稅入)（包A5黑和牛壽喜鍋！！） 以宜家既兌換率計(1HKD=6.5YEN)，都只係約港幣3,900蚊！！ 以唔洗4,000蚊可以有咁大間房露天溫＋A5黑毛和牛，真係抵到爛！ 而去酒店都好方便，由福岡機場開車約一個半小時就到。酒店亦有接駁車接送往返JR由布院站。 想訂房可以係官網預訂，亦可以透過日本Jalan訂房網預訂。 不過呢兩個網頁都係日文網黎既，要中文，可能請教Google Translate XD 酒店官網： http://yufunoirodori-oohashi.jp/ 日本Jalan訂房網： http://www.jalan.net/uw/uwp2011/uww2011init.dokeyword=yadoya&distCd=06&rootCd=7701&screenId=FWPCTOP&image1.x=0&image1.y=0 今次就介紹住咁多先，有問題既可以PM我地個PAGE。 而想睇多D魏空少既分享，就快啲Bookmark住呢個Blog，同Like埋我哋嘅Facebook Page喇。 PS：魏空少要係度非常多謝大雄同靜香既資料！！:3 --------------------------------------------------------------------------- 》》LIKE〔魏空少〕專頁，一齊發掘更多旅遊資訊！ [FB FansPage] https://www.facebook.com/IM.FAKE.FA [UBlog] https://blog.ulifestyle.com.hk/blogger/fakefahk/ ---------------------------------------------------------------------------
