泰國｜【最“熊”入住報告】平歎華欣避世渡假Villa 之前介紹咗點去華欣之後，你一定好想知道究竟係華欣可以住邊度。 華欣既然稱得上係曼谷嘅後花園，近呢幾年又真係開咗好多大大小小唔同嘅酒店，不過級數同埋價錢都好參差不齊，咁究竟點樣揀？同住邊間好呢？ 今次入住嘅呢間酒店，前身由Six Sense集團管理，係一間全別墅嘅酒店，成間酒店由56間別墅組成，每戶都有私家泳池，私隱度極高，無論係情侶定一家人大細，又或者係一大班朋友都一定有啱你嘅選擇。酒店係2013年易手俾SPG Group之後，升級左嘅酒店服務簡直係冇得彈。唔信？你自己睇！ 呢間酒店嘅房型全部都係Villa，一共分咗三個等級，今次同大家參觀嘅係屬於中級數嘅雙層泳池別墅，樓高兩層，總面積273平方米（2939平方呎）。 一樓起居區除咗有客飯廳，仲有一個面積超過100平米嘅私人露台同一個私家泳池。 而二樓係睡房區，除咗設有一個戶外同一個戶內浴室外，仲有一個17平方米嘅小露台。 一日三餐可以選擇係酒店裏面嘅餐廳度食，每逢星期六夜晚，酒店仲會推出海鮮BBQ同埋有LIVE BAND現場表演。而如果想試下地道野食，亦都可以出返華欣市區度食。 酒店距離華欣市區大約30分鐘嘅路程，來往酒店同華欣市區可以選擇乘坐酒店嘅專車，而如果係自駕遊嘅話，你亦可以享用酒店提供嘅免費泊車位。 咁講咗咁耐，你地一定好想知道咁靚嘅Villa，究竟住一晚要幾錢？ 以星期六入住計，官方網站嘅連稅房價由HKD$1392起！ 無錯！我冇打錯！你都冇睇錯！ 連稅後真係HKD$1392起！！！！！ 而如果想住豪DD，最高級嘅Villa房，連稅後都只係HKD$3280！ 但係留意番，因為呢間酒店只有56間別墅，如果諗住旺季入住，就記得早少少訂定啦！ Mr. Brown 今次係咪無介紹錯呢！ 如果想知多啲關於呢間酒店嘅資料，又或者預訂嘅話可以去到佢地以下嘅網址： http://www.sheratonhuahinpranburi.com/ 今次就介紹住咁多先，快啲Bookmark住呢個Blog，同Like埋我哋嘅Facebook Page。 下一次Mr. Brown會帶返大家返去曼谷，去住一間又平又靚，又近Shopping嘅酒店，大家留意住啦！！！！ [UBlog] https://blog.ulifestyle.com.hk/blogger/fakefahk/ [FB FansPage] https://www.facebook.com/IM.FAKE.FA Mr. Brown 2014年9月30 日 PS. I'm impressed in their nice staff and good service.
