近排有好幾個朋友都問點解仲未有拖拍，相信係情人節後遺症吧!諗深一層，其實佢地單身係有幾個共通點...一. 好驚改變: 有人會驚拍拖後失去自我失去自由、有人因過去失戀經歷而驚再建立親密關係、有人驚會再受傷失望。驚，就以致無勇氣踏出第一步。二. 唔想走出舒適圈: 唔少人會享受一個人的生活，亦習慣咗自己的生活模式，加上工作忙，仲要進修，而無晒心力同動力去擴闊社圈子。亦有人怕主動出外識新朋友或用交友app而被人取笑。三. 太叻太獨立: 工作獨當一面，經濟能力不錯，已有一定生活水平，而且用咗好多時間精神進修，太叻太獨立，但想搵個相似條件的人，真係唔容易。四. 生活中難遇到啱的人：佢哋每個人心目中都有一張「理想清單」，但要搵到一個人完全符合清單上的人，真係比登天更難，但佢哋總係堅持這一點。其實放開少少，俾自己有D突破，總會遇到啱的人....FaithFaith分享完..
