今次去旅行帶住兩個小朋友 (六十幾歲)，兩個家姐同姐夫。 全團只得係我識少少韓文(2016年9月開始學)，所以去釜山之前我都好擔心，話曬都係我學韓文後第一次踏足泡菜國。 跟家中長輩去泡菜國要注意嘅事項： 1. 租定wifi機俾他們 宜家人人皆機年代，其實長輩都好需要上網，除左send 下啲相俾啲朋友group呃下like ，最重要係我屋企兩個長輩係好早起身，而有好想落街行，咁有wifi喺身，就可以講低去左邊，大家安心啲 題外話:今次係韓國旅遊局攞左klook wifi 優惠，平到震，免頭四日，四日後十二蚊一日 我去六日，只係合共用左72蚊租三部 機場攞機場還機。 2. 盡量check 好地鐵邊個出口有電梯 韓國地鐵出名多樓梯級，認住엘리베이터 即elevator 電梯，通常有圖示 我通常事前會用konest 韓巢個map search 定出口，它會好正咁顯示扶手電梯同電梯架 3. 常用設施 長輩比較常去洗手間，韓國地鐵站基本上都一定有洗手間，上左地面我通常會去cafe內的洗手間 洗手間韓文係화장실 4.留意喜好 我自己父母就好好鍾意行超市同市場嘅，所以一定要加落行程，的確韓國嘅超級市場其實都幾好行 釜田市場 5. 中午去cafe take 個coffee break 韓國cafe出名多，行到攰嗰時去飲杯咖啡或者果汁係舒服嘅，特別如果有團友好鍾意行街，就可同長輩去坐下，團友可以繼續失心瘋。 話說有團友去shopping 失心瘋，我地食完osulloc (爸爸大讚，可能因為唔太甜)無野做，就去左trickeye 爸爸媽媽十分喜歡，知道收費後更話要影多幾張，唔好蝕。 真係咁大個人都無見過爸爸媽媽咁貪玩。玩嘅時候都要提醒長輩注意安全。仲有我地有係門口租locker 大嘅只須500w，我覺得好需要，因為無左個袋玩輕鬆好多。 5.如果要轉酒店，就坐的士啦，去完超市我地都會坐。 釜山坐的士真係唔貴。不過我地六個人就會坐兩架。走嗰日我地就坐jumbo taxi (jumbo taxi 要預先book ,可以走之前一日講定就最好，如果唔係都要早半至一小時) 我地由海雲台去機場50000w 機場巴士都要6000w一人。
