今日想分享下女性患有畸胎瘤的經歷同治療講返起2018年咁上下, 應該25,26歲, 個排有1個星期肚好痛,間唔中返返下工就痛,痛到出埋冷汗咁上下, 之後冇理到食返野有能量返就唔再痛,然後1星期後再痛過, 仲要好想嘔, 攤係屋企發埋燒咁,最後去左樓下D西醫睇, 佢冇講D咩, 就直接叫我去急症室,最緊要佢即時探熱,我係發燒,去到急症室check晒基本血呀尿呀肺既X光等等, 之後冇耐等左1個鐘到就上房,入左內科病房, 開左D止痛退燒藥我食, 我就冇再痛冇發燒,住左3,4日,又要日日驗血, 血壓,心電圖, 禁食, 有野食都係食白粥:(同埋都根本冇唔到原因點解我會發燒又肚痛,同埋插左咁多日既吊鹽水, 冇沖咁多日涼, 咁咁岩對面個女人又係肚痛,但我地都埋怨點解冇樣野係Check盤腔/超聲波, 咁我地問排到我地未啦,佢終於真係第5日幫我地做左超聲波, 飲飽水就入去照,我個陣心諗 你搵唔到咩原因唔好的走我呀 真係等到第5日 結果內科醫生同我講我有個1X CM大個瘤, 咁佢都唔清楚咩黎,叫我再做多D檢查, 轉介左上去婦科, 唔知係咪都睇落嚴重,即刻做埋個緊急照CT, 過程中係會入一部機, 最痛就係佢要一下子打好多既螢光劑入去個"種豆"到, 痛既原因係因為血管細小, 但係突然俾一堆野唧入黎,痛到流眼淚T_T 但呢樣要做先照到野出黎, 容易D睇啦, 做呢D之前都有份野要睇,類似有咩後遺症(好輕微)....上返房, 有醫生(見習醫生)同我講一係排期做手術, 之後就訓左晚,到第6日一起身佢地巡房, 見習醫生report返俾佢呀head,女醫生黎既, 跟住冇耐就話決定一陣間做手術, 冇錯係1陣間XD因為佢話我後生驚第日不育, 知道我冇再肚痛, 所以擔心卵巢壞死左,就馬上幫緊急既手術....然後入房佢幫我再超聲波睇下個瘤, 探肛, 係有支野伸入屎忽,放鬆就可以了, 再抽血(因為可以要輸血)簽文件, 手術意外等等解釋我知,簽名, 剃毛,..個陣仲要冇屋企人係我身邊:( 不過咁快決定都好, 等我冇時間驚,今次做既係微創既盤腔手術, 佢有講話會打D氣入去個肚,等佢脹大D, 易D睇清楚每1part, 然後係肚臍, 另外2旁會開小lon, 做手術, 完左會放屁令到D氣體出返黎, 其實都唔太覺眼.. 我打俾佢地搭的士過黎,之後佢地都冇咩時間同我傾計,我就準備入手術室了, 不過等左好耐個麻醉科醫生,姑娘都好好咁同我傾下計, 同埋好似話醫生趕住下場去博愛,係咁催人@@ 入到去佢話打麻醉入種豆, 俾D麻醉既氧氣我聞,冇耐就訓著左, 神奇地係唔知幾時訓著左,醒返已經係手術室既休息室, 等左1陣麻醉藥過,就上返房, 咁有尿兜放係到要痾尿就係張床痾, 唔會俾你落床住,同埋麻醉藥後係會好想嘔, 但好彩嘔唔出@@之後都可以正常食野同飲水, 尿喉已經係麻醉緊插同蚊返走,所以冇任何痛楚..咁樣幾好..我見有D人完左都未蚊尿喉..但會有少少血出..都係正常既..過程好順利:)手術後第2日就可以返屋企喇~~不過唔可以好大力郁,唔可以拎重野, 要好小心傷口, 唔可以沖涼入到水,市面上有好多膠布都係防水好強, 所以都唔怕入到水既,最開心係卵巢冇壞死到, 可以正常排卵, 真係好開心..因為之前一直擔心, 覺得壞死左要切走1邊卵巢,覺得唔係一個完美既人, 好驚第時生唔到仔,所以做左手術都好小心身體, 介食海鮮牛凍野介左3個月至半年以上,希望養返好身體..咁醫生都開左1個月病假俾我, 另外住院費用就係$120X7日,我覺得個醫生真係做得好好, 果斷處理得好好,如果唔係我應該冇仔生, 同埋真係要搵私家洗幾皮先做到手術,我都算好好彩了....我差D因為唔去睇醫生, 去左泰國旅行,如果過到去都唔知點算, 應該都係搭返飛機返HK架喇...好彩claim得返晒所有費用,成日以為就出院, 所以住7日只係沖左1次涼咁大把, 仲要拎埋支鹽水舉高隻手咁沖,真係難忘既難驗, 最後種豆蚊返出黎真係痛痛地, 隻手都冇乜力,又腫腫地,多謝各位朋友每日黎探我病..等我冇咁驚..出返院個個都探我雖然都隔左咁耐, 但唔會忘記:(1個月後我咁岩俾晒錢去交流團, 一去去左5日旅行好彩個個都好照顧我, 同埋識到一班新朋友仔:)
