1月12日去左覆診整牙, 今次佢再換左D鐵線係粗D既, 佢換鐵線既時候壓落去D牙真係好痛同埋好痺呀, 然後係最入既上下4粒大牙再加埋鐵既粒粒上去, 會有個細細地既鈎, 係為左第時加橡筋借力鈎返門牙入去, 佢痴上去之前佢會用儀器令到D牙白D先痴膠水上去痴粒粒, 之後會有個高溫少少既野興熱佢, 等佢痴實個粒粒, 手勢都幾好, 然後我每次都問佢隻牙仔有冇咩跡象要出黎, 都係話冇同埋要等…但係箍左就3個D牙真係牙返埋左, 排齊左D牙先..係覆診前我口下面近臉頰生左粒野好似肉粒既野, 咁近粒野係掂住我牙箍鐵線近MOK左牙既位, 一直都好擔心係咪會有口腔癌既野, 之後覆診醫生知道但唔記得再檢查粒野, 後來因為加左4個新粒粒係大牙, 好刮口, 刮到我直流晒血, 爆晒飛滋, 真係好慘, 食左幾日粥都唔掂,, 咁岩呢日覆完診之後隔左1日, 我冇啦啦發燒又頭痛又攰, 我好擔心係箍牙影響, 因為上網睇到有新網話有外國女仔箍牙覆完診之後話有金屬吞左, 好似入左心臟差D中風, 要做手術係心入面拎返D鐵既野, 都係會出現頭痛同埋發燒, 後尾去左睇西醫, 醫生話感冒, 咁都一直頭痛左3日, 之後有晚冇啦啦肚痾, 再睇多次醫生先話係病毒性腸胃炎, 原來係會病1個星期, 第3日先會開始肚痾, 真係長知識呀~擔心死我..所以呢…每次佢搞完你個口都一定浪口!!因為你唔知佢剪D鐵線會唔會有野趺左又拎唔返, 所以大大杯水浪晒口先好走呀! 呢張相係2019年1月尾影, 都已經箍左差唔多3個月.. 之前都冇特別影相, 遲D幾個月後再update 睇下個分別
