本來打算從順化回來後便立即出發去美山聖地（Thánh địa mỹ sơn），但返到酒店已經1點多，酒店嘅Local Tour 又只在早上出發，最近我哋決定明早先去，由於我哋只去美山一個地方，而大部份Tour都會係美山連會安咁去，所以無報團，直接包架的士去。 如果由峴港去美山需要2個鐘車程，如果由會安去就1個鐘多啲，所以強烈建議如果你去會安同美山呢兩個地方的話，咁就可以直接喺會安住一晚，如果唔係就好似我咃兩隻傻仔咁，晒咗大半日又晒多咗車錢。 唔好以為越南呢個「迷你吳哥窟」無料到，其實佢有千幾年歷史，係東南亞中最早建成嘅印度式古廟群，美山聖地係占婆王國嘅中心，繁盛時期有近70座寺廟及古塔，但經過越戰洗禮後，只剩底約20座。 講咗咁多，係時候入正題，去到門口買完飛就可以入去啦。古廟群被分成多個區域，A-D會有比較完整嘅建築群，其他都比較零碎。 點擊圖片放大 正午12點行美山聖地，覺得自己就快融咗落地同埋立即變黑，得咗。上面就係比較多野睇既B、C組。 呢組都係少有比較完整一棟出現。 被戰火及時間既洗禮，落得支離粉碎既下場。 其實，要行晒整個美山聖地，兩個鐘已經非常足夠，強烈建議唔好正午去，有一種玩命既感覺，唯一既好處就係呢啲時間冇咩旅客，影相都爽啲。
