若時間倒流，但願我從沒有來過。 講笑姐，我覺得旅程總有啲不如意事先算得上完美，話說第二日去完會安我地就返去峴港火站買第二日既火車飛去順化（Huế）, 由於溝通唔到，完全唔知係點買飛，原來要喺部機拎籌，再去窗口買，記住帶Passport 去，然後佢會話你知有咩時間，我哋最後買咗12:46，但我強烈建議大家要買早啲，如果唔係，就會好似我哋咁趕。 買完飛就順便覓食完再返酒店，我地喺路邊發現一個攤檔，見到每人都有一碟香葉、一碟米紙同一份炸春卷。其實你唔睇人地食咩就真喺唔知原來有啲咁嘅野食。 然個樣唔太討好，但真喺好食，而且坐喺馬路邊頓時覺得自己好local，不果點餐嘅時候又喺雞同鴨講，佢有佢講越南話，我有我講英文，然後我地就喪指人地食緊嘅野，然後就舉晒手指講「ONE、ONE、TWO、TWO」，真係未食都滴汗。 由峴港去順化大概三個鐘，中間冇停站，但順化不是總站，要識落車。上車之前，喺火車站附近食咗碗粉，又係路邊檔，又係好好食。 碗粉叫Cao lầu，類似熱嘅干撈麫，但個底有啲湯，伴有豬肉、蝦乾、花生香葉等。 食飽就準備上路啦。 點擊圖片放大 火車到站，有種復古味道，我哋嘅位屬於軟座有冷氣，去程基本上喺坐滿。好多人都喺拎一個大背包或者細行李箱，但我哋因為要帶埋個26吋行李箱，上到火車先發現無地方擺，放上去又怕跌落嚟，擺走廊又會阻到人，擺兩卡中間又驚被人偷，結果我地好似傻仔咁拖住件行李，係車箱來回不下5次，最後連個Local 都忍唔住出聲叫我哋放住喺個無人坐嘅位先，好好彩地到最後都無人坐。 終於可以安定落黎，近3個鐘嘅路程仲可以欣賞到無邊界嘅海景。然後好想分享下當地人嘅「隨性」。正當我瞓瞓下覺既時候，突然感覺到自己隻手有啲凍凍地，我一打開眼，嘩！成隻腳喺我個手抦到，我都真喺唔知俾咩反應好啦。 真係好近呢。。。其實條路不時都有人過，不斷有人拍佢，但佢就收起後再伸過，唉，廢青惟有收埋啲自己，避免自己同佢有咩接觸。
