韓國同台灣早排都好hit依隻Berrisom染色唇液,Fabulous Kira見好似好好玩咁,就托韓國朋友幫手買咗支嚟玩玩試試啦!喺韓國唇妝同眉妝都係佢哋好著重嘅化妝部分,我哋成日擦完唇膏,飲啖水,食下嘢就咩唇膏都落曬個肚到,有時諗下都會幾驚。見到Berrisom染色唇液,係將顏色染落個嘴唇到,解決曬甩妝嘅煩惱,Fabulous Kira緊係想試試啦。 Berrisom染色唇液玩法 第一步:將唇液按照唇線,均勻咁溼成厚厚嘅一層,不要塗到唇線外。 第二步:等大約8-10分鐘,等佢變乾。重點!千奇唔好合埋嘴,如果唔係好痴住晒。 第三步:乾咗之後,就可以將佢慢慢meet落嚟。 噔!噔!噔!噔!完成! Before After 其實係幾好玩,又幾得意架!可惜朋友都覺得依隻唇色唔係好襯我,有少少灰咗。同埋落妝其實好好好好好好煩,好難落,落極都好似仲未乾淨咁,依樣仲驚過hi吓就甩嘅唇膏!