崇尚環保同健康嘅Gogreen88最近推出咗一款卸妝產品──韓國神奇卸妝墊，Fabulous Kira見幾得意，尋晚終於試咗試。依款產品一套3件，依家只係得官網（http://gogreen88.com/）有得賣，承惠HKD250。依家我哋就睇一睇依個韓國神奇卸妝墊點樣物有所值法啦。 依款韓國神奇卸妝墊摸落好柔軟，都好啱敏感肌膚用，好似眼部咁。其實佢除咗可以卸濃妝，仲可以洗面同抹走gel mask。今次Fabulous Kira就用嚟卸妝嘅，一齊睇睇究竟係點玩啦。 第一步：拎個兜兜裝啲水，整濕晒3塊軟墊，再嗶走多餘嘅水。 第二步：敷喺要卸妝嘅地方，輕輕咁抹走啲化妝品。 第三步：抹完第一塊後，拎第二同三塊重複步驟一同二，直至個卸晒成個妝。 睇開Fabulous Kira啲分享文章都知我對眼有幾細，所以首先我就要卸擦咗滿滿mascara、eyeliner同眼影嘅眼妝啦。一開始我敷咗大約20秘，跟手一抹，可能依下「一抹」太大力啦，我係甩咗幾條眼貶毛嘅，不過平時卸妝都有咁嘅情況。 我本身expect依款韓國神奇卸妝墊係唔能夠完整咁卸晒我啲heavy眼妝架，點知原來係真心得，依下唔俾like唔得。跟手我都卸埋其他部位，卸塊面嘅時候，就發現有少少甩綿嘅情況，Fabulous Kira真心暴力。其實我用咗兩塊卸妝墊已經將個妝卸得八八九九，但因為近排我皮膚敏感，所以都係補咗少少卸妝水去卸，感覺好似安全啲。依一個關口，係用韓國神奇卸妝墊嘅姊妹們需要突破一下嘅，但唔用嚟卸妝，用嚟抹gel mask都好正，今晚再玩玩。
