Fabulous Kira對眼真心一向都好細，如果唔化眼妝，個人真係無神都喊，所以我成日都會出盡辦法，令自己有對勁Bling Bling嘅大眼睛。近排Maybelline New York新出嘅美瞳濃密雙刷頭睫毛液賣廣告賣到咁行，而Fabulous Kira本身又用開佢哋嘅Mascara，應該都一試無妨嘅，俾自己更多嘅變靚選擇同機會啦。 Maybelline New York BIG EYES美瞳濃密雙刷頭睫毛液採用「Care Cocktail 睫毛修護配方」 同溫水即卸配方，可以好輕易掃出 135%眼睛放大效果。陣間大家可以望望Fabulous Kira啲眼睫毛係咪真係長咗，隻眼又會唔會有神返啦！ Maybelline New York嘅美瞳濃密雙刷頭睫毛液，原來係佢哋第一支專門針對上下睫毛，仲具備兩邊大小刷頭兼備睫毛修護配方嘅睫毛液。 未用Mascara前，Fabulous Kira嘅眼睫毛一啲都唔Fabulous，勁短，又唔夠濃密，大家明白我對Bling Bling眼嘅渴望未？ 美少女Fabulous Kira變身！女人化咗妝，不嬲都係騙案嘅開始，我都成日易容當化妝。用完Maybelline New York嘅美瞳濃密雙刷頭睫毛液眼睫毛明顯分明咗，亦長咗成倍，終於見到一條條豎起嘅眼睫毛啦。 平時Fabulous Kira好少擦下眼睫毛，因為好驚會好易甩，然後變熊貓眼。不過Maybelline New York依隻美瞳濃密雙刷頭睫毛液，經過一日嘅摧殘，我個樣竟然都依舊索索，下次可以擦下眼睫毛，自然又唔怕變熊貓眼嚕！
