上星期六（12月13日），Fabulous Kira有幸參與「WeShare x WWF廢物變飾物潮玩Upcycling工作坊」，透過項目經理Patrick簡而精嘅講座，知道世界自然基金會香港分會嘅「育養海岸」計劃旨在繼續推動海洋保育及海岸清潔，利用科學方法研究、保護和持續監測香港極具生態價值的海洋棲息地。 點擊圖片放大 +2 其實Fabulous Kira一向都OK關注我哋嘅生態同社會，所以暑假嘅時候，都參加咗「育養海岸」嘅行動，去到石澳後灘做檢測長同清潔。當時發現沙灘上有唔少垃圾，當中包括好多好多玻璃碎片，而依啲碎片經過長時間嘅侵蝕，已經變成圓滑嘅「寶玉」。之前已經好希望有人教下自己，點樣將啲玻璃碎片整一啲飾物咁，估唔到今次可以如願以償。 點擊圖片放大 +7 Fabulous Kira真係好開心可以參與「WeShare x WWF廢物變飾物潮玩Upcycling工作坊」，好好學下點樣將廢物升級再造。 點擊圖片放大 +2 當日除咗各自各做自己嘅環保設計之外，仲有分組遊戲，同朋友一齊創作海洋的願景。Fabulous Kira都同兩位朋友好齊心咁製作出一幅「珊瑚海」，希望海洋生物都可以過返佢哋最自然嘅生活。 多謝WeShare同世界自然基金會香港分會搞咗個咁有意義嘅活動，學到嘢又玩得開心。
