因為Restaurant Week，我們來到了赤柱。睇翻自己既文章，原來對上一次入赤柱，已經是十二年前的事。再次踏足此地，人面全非。如美利樓已荒廢，海旁一排賣小食漢堡等的檔口全部變成吉舖，連地標之一的藍屋餐廳 (後來轉成黃屋) 亦已丢空。想不到赤柱也變成這個樣子。 我們走進最似樣的餐廳，Pane e Latte~ 餐廳樓底很高，蠻舒服的，既有歐式麵包，意式雪糕，也有餐點供應。 大家吃的是餐廳周的餐牌，頭盤有幾項選擇，我哋分別要左沙律及是日餐湯。前者菜蔬新鮮，有陳醋的酸香，夠開胃。這天的餐湯係番茄湯，據聞都可以。 各自選取自己喜歡的主菜，大家再分甘同味。班尼廸蛋算幾靚仔，伴的是巴馬火腿。雞蛋切開好流心，蛋汁滲進包身內，荷蘭醬連同火煎菜及火腿，倒是不錯。 茄大蝦意大利麵，可揀辣或不辣，後者好了。意大利麵幾有咬口，除左兩隻大蝦外，亦有些蝦肉混在麵條之中，味道亦可，聽說兩隻大蝦都幾甜。 另一款係Pane e Latte 漢堡，把店名都押上的菜式，應該有番咁上下水準吧！包身夠軟熟，用上穀飼牛，不會太乾身，亦保持肉香。另有焦糖洋蔥、切了片的大啡菇、火煎菜，以及fontina cheese，幾豐富，但又唔會話大大個無法一口吃掉咁。 甜品試勻了提拉米蘇和Banoffee，都是用玻璃杯上，兩款口味都很傳統，然而個人始終是提拉米蘇的忠實支持者。在如此舒適的環境下，餐後靜靜呷口一杯咖啡，寫意！看來今天的赤柱，已再不是遊客的地方。餐廳資料:Pane e Latte赤柱赤柱市場道25號啟厚閣地舖23377221
