有說香港人最中意食自助餐，但個人覺得，香港人其實更喜歡打邊邊，包括我，一年四季都是吃火鍋的吉時。七月份的某個晚上，亞南雞煲坐無虛席，好彩有預先訂位，否則大家只能望門輕嘆。再講多少少，亞南雞煲之所以咁旺場，或者是因為佢不單食雞煲，更是打邊爐的好地方。 甫坐低，最重要先來杯凍飲，呢度既凍檸茶夠晒大杯，好爽！ 等湯底滾起需時，先來些小食邊食邊等最好。蝦多士鬆脆美味，睇賣相及色澤已經略知一二。 油炸鬼釀墨魚滑，可以就咁食，亦可以浸湯食，每樣來一件試勻其風味。 吃多隻酥脆的桶蠔，我真係要忍一忍口，否則湯底未滾我已經飽到可以返歸了。 八人行，可以開兩個鍋，其一是冬瓜花膠瑤柱花甲雞煲，用上新鮮雞，肉質嫩滑，味道也自然不同。再者，花贂份量多，花甲亦都鮮味得很，加埋瑤柱，湯底自助甜到一個點，有人直接連喝三碗。呢個湯底，真係好誇張。 店名叫得亞南雞煲，當然也不能錯過佢哋既雞煲，有一款仲要加埋花膠的。吃下去，好惹味，份量都係好充足。 香港人打邊爐一定要有牛肉，我哋人多起碼兩碟。安格斯牛小排，睇紋理已經有夠吸引，輕輕放湯內拖幾拖，肉質軟嫩，十分高水準。 為照顧不吃牛的朋友，也來份極品黑豚肉，其實都很不錯，只是筆者從來係牛魔王，對牛肉比較熱衷。 鳳城水餃、蘿蔔片及手打雙拼滑都是火鍋常見，巨大都無倫的野生竹笙皇則非常難找到，千祈唔好錯過。 飽到翌日早餐都唔使食。 餐廳資料:亞南雞煲太子花園街211號地舖23926100
