是的，筆者一年只會跟幾位朋友慶祝生日，恰巧五月份就有兩位。選了幾間餐廳俾主角作最後定奪，灣仔的Landau’s成為了目的地。Landau’s 上手正是為人熟悉，張敬軒有份的仙后餐廳，本身裝潢已超華麗，所以無須作太多改動。 點餐後，店員奉來麵包籃及Welcome Food，後者是小小的一片麵包上放置烏雞肉，再以蔥花及紫洋蔥等作點綴，好有中西合璧既感覺。 先來的藍鰭吞拿魚麵，所謂的麵，其實即是將吞拿魚切成絲，做成像麵條般，再配以牛油果蓉墊底，砌得靚靚仔仔。藍鰭吞拿以少許日本芥末作調味，味道還好，連埋牛油果蓉一同放入口，可以的。 帶子是北海道產地，火侯控制恰到好處，外微焦而質感細嫩，以爽口的雅枝竹墊底，結合番荽打成既泡，好看也好吃。 主角笑說，炸薯仔球既賣相有幾分似鯪魚球，又無錯喎！咬落外脆，內裡比較粉，帶點點松露氣息。 主菜是M9的和牛肉眼，賣相平平無奇，但味道與質感都比想像中好，有點入口融化，但就無日本和牛那太油膩的感覺。旁邊以炸椰菜花作襯托，呢份菜式，實而不華。 只有四款甜品選擇，就挑了熱情果蛋白霜，當然事前要求了店家協助寫上Happy Birthday字樣。酸味十足的熱情果醬跟甜度強勁的蛋白霜，成為了清新醒胃既甜點，為主角添上祝福。 飲品的All Day Shandy，以Gin及小麥啤酒作基底，混合英式茶、蜜糖、檸檬等，聽說都幾唔錯。餐廳資料:Landau's灣仔皇后大道東213號胡忠大廈2樓
