老媽子勁愛「飲茶」，老豆則是個「順得人」，吃什麼都話無所謂，因此每年的母親節，都會找家好少少既中菜慶祝，六月就會偏向食西餐。五星級酒店中菜廳，或者米芝蓮中餐，見慣大場面既老媽子幾乎都去勻，還好今年有家新開張的尚海薈，唔使我諗到頭都大埋。 店子環境典雅，我們被安排坐倘大的沙發位，也很舒服。 幾款冷盤打頭陣，無鍚脆鱔做到香酥可口，甜脆鬆化，並帶芝麻香，即使放久了也沒有黏埋一舊，蠻不錯。 雞絲粉皮是小朋友指明要點的冷盤，賣相細緻，粉皮煙韌又夠滑，拌勻麻醬，連同雞絲及青瓜絲同吃，清爽美味，是大人小朋友都喜歡的一道。 妹夫點了一碗酸辣湯，我就不打算分佢一杯羹，然而看外貌及聽到的正面評價，相信都是合格以上的出品。 吃滬菜又怎能缺少小籠包呢！形狀雖未致完美，但都絕對可以收貨。湯汁豐盈，夾起亦不易穿，肉餡味鮮，我想食多一隻。 紅油抄手酸辣醒胃，老爸最喜歡，以前我會很執著是否正宗四川風味，不過今時今日世界飲食文化也在不斷融和，筆者亦慢慢放下無謂的堅持，總之好食就是。 面對著香煎韭菜餡餅這香口的東西，我是沒有拒抗能力的。 在這裡嚐咕嚕肉，會否很「茂李」? 吃了幾口，出色就稱不上，至少口感鬆化，甜酸沒有失衡。 反而紅燒肉的味道，與我認知的傳統上海風味又有點出入，再者肥肉去得未夠盡，瘦既位置有點立口，未算吸引。 砂鍋雲吞雞是老媽子最愛的菜式，貪佢濕濕地有啖湯飲，呢度既湯頭都合格，雞肉沒有很粗嚡，伴上菜肉雲吞，可以了。 為確保小朋友有嘢岩食，上海粗炒就最穩陣，味道正常的，麵條則帶點煙韌口感，與坊間嚐到的稍有不同，但我又幾喜歡。飽得連甜品也吃不下...餐廳資料:尚海薈灣仔港灣道6-8號瑞安中心2樓201號舖28862818
