南豐紗廠Harrison Wong服飾店，連接著一間餐廳，叫做Labels Cafe。呢間Cafe，是我係南豐紗廠回頭率第二高既食店 (第一係新太光燈雲吞麵)，環境舒適之餘，性價比都好高。 店子設有戶外位置，不過我都係喜歡坐室內嘆下冷氣，比較舒服。午市選擇並不多，只得ABCDE，三款意粉及兩款漢堡，最貴既牛肉漢堡，連飲品及餐湯盛惠九十八個大洋 (沒有加一，我嚟嗰時商場仲做緊優惠有八折)。 是日餐湯係粟米忌廉湯，味道不俗，粟米夠多，但可再濃郁一點。唔知點解，粟米湯總有種兒時既感覺係度。 分別要左黑松露雙菇意粉，與及明太子海鮮忌廉意粉。前者我只試了一少許，幾香既。 明太子海鮮忌廉意粉，青口、蝦肉、蜆肉、本菇及車厘茄等，材料豐盛好多。喜歡佢既明太子汁醬夠濃香，意粉保持咬口，幾十貨仔，真係無咩可以投訴。 是日沒喝咖啡，果汁一樣唔使加錢，就懶健康下。旁邊Harrison Wong啲衫價值不菲，唔估到同系既Cafe如此相宜。餐廳資料:Labels Cafe荃灣白田壩街45號南豐紗廠3樓305號舖
