如果大家仍未諗到同阿媽去邊度食飯慶祝母親節，可以考慮下呢度，尖沙咀中菜。店子有火鍋和小菜選擇，當然也有節日套餐，費事煩既話吃套餐最乾手淨腳。 六人套餐竟有包含點心，以蝦餃打頭陣，成品偏大粒，滿滿的蝦肉，好足料。 之後是半隻樟茶鴨，肉嫩有茶燻香，大家爭住食，如果有全隻就好了。 作為母親節套餐，自然少不了湯品，鮑魚燩雞湯，位上。打開盅蓋，香氣撲鼻，鮑魚、螺頭、雞肉、雞腳等，相當足料，也自當甜美，最重要是湯頭夠晒熱。 接著來的金湯脆米野生海斑，店員會在食客面前將金湯倒入，發出沙沙聲響，大家都拿起相機影相拍片。斑片肉嫩，金湯加脆米豐富了口感，呢度道俾老媽子放上社交媒體，肯定威晒！ 最矜貴的菜式是時候登場了，上湯龍蝦煎米粉底，採用較佳質素的澳洲龍蝦，總比用波龍來得更有誠意。 吃個濃湯元貝浸娃娃菜平衝下，心理上好似健康啲咁。 單尾的黑松露雞粒炒飯，米飯炒得乾身，雞肉成份多，又帶有松露醬既香，我「安哥」了一碗。 或許女士都愛甜，所以套餐的甜品亦有兩者，分別係黑金流沙包，與及楊枝甘露。成日覺得將金色劃破黑色的包身，係好鬼型格。最後再濕濕地來碗清新的楊枝甘露，滿足，若奶味輕一點就更加合意。餐廳資料:伍佰私廚。海鮮火鍋尖沙咀天文臺道8號3樓2號舖61997070
