近日，在將軍澳的屋苑商場，發現了一間優質的越南菜館，叫越式PHO車頭。典型綠色配灰色的格調，一看就知道是吃越南粉的地方。當然，除左Pho，呢度仲有好多選擇，如越式法包，及各式小菜等。這天，三人來吃了個late lunch~ 個人總覺得，嚟得呢類地方，牛河是必吃的，所以先點個牛尾粉，以及生牛河，大家分甘同味。兩者都係會在客人面前注入牛骨湯，自己習慣會吃呷一口，清鮮味美，牛尾亦份量十足。 生牛肉河，用上了靚肉眼/牛柳，再配牛丸，以及大量既蔥花，輕輕將牛肉在剛注入的牛骨湯灼幾下，肉質細嫩鮮香，加上滿滿的蔥香，愛吃河粉既朋友一定不能錯過。 另一心水係越式法包，包身十分鬆脆，唔怕硬轟轟，餡料的豬扒同樣鬆化，肝醬甘香，結合漬蘿蔔絲，醒胃可口。 有人話想食牛油雞翼，我樂意奉陪。鬆脆既雞皮，嫩滑之雞肉，每一口都充滿牛油香，超級邪惡。 再要了兩份小菜，豬手和大頭蝦都係煲上。先讚大頭蝦，本身已是靚貨，肉質爽彈，蝦頭仲有唔少羔，而且呢個做法相當惹味，無得輸。 豬手份量好大，肉不粗嚡，豬手皮更加是豐厚爽彈，配個白飯真係一流。 悠悠然嘆埋杯滴漏咖啡，飽到晚飯都幾乎唔使食。餐廳資料:越式PHO車頭將軍澳唐俊街28號海天晉滙地下G05號舖21771300
