我又唔係餐餐大魚大肉既，好多時都會食茶記，或者粉麵，其中在屋企附近既呢間新大光燈，是我比較常去的一家。無錯，此大光燈，與紅磡的大光燈，是一家親。以前我係紅磡返工(當年荃灣分店仍未開)，已經有幫襯佢，可以算是長期擁躉。 印象中，在紅磡總店未試過南乳豬手河，可能已經走左寶好多年。好大件的豬手，皮豐厚，膠質豐富，有南乳香，但又不是死咸，吃得過的。 豬潤厚身大塊，咬落爽脆無筋，附唔少薑蔥絲，與紅磡店一樣精彩。 從來無細看呢度既餐牌，原來是有粥食。因一次機緣，嚐了碎牛肉粥，粥底比想像中好，又會有蔥花和椰菜絲，如果碎牛可以多啲就好。 食粥要配炸両，腸粉皮幾滑，油炸鬼鬆脆，唔係硬轟轟，最緊要係自行放大量的甜醬和麻醬，成件事即刻變得更美好。檸茶奶茶等嘢飲就唔係呢度強項，要飲飲汽水穩陣啲。餐廳資料:新大光燈荃灣白田壩街45號南豐紗廠地下G14號舖35861816
