朋友似乎心情麻麻，相約食飯飲嘢吹水，我樂意奉陪。地方佢揀，估佢唔到竟然去食日本嘢，大飲清酒。 Daymoon 我知道，逢星期三、四都有清酒任飲，$88，酒水質素仲要唔錯，選擇頗多，十分抵玩。 吃什麼就費事傷腦筋，叫個松葉蟹和牛鍋套餐就好。一開波先來松葉蟹及刺身，池魚、金雕、帆立貝，其中主角的松葉蟹最鮮甜。 接著來吃些松葉蟹沙律，同埋醬瓜等漬物作熱身，準備要入戲玉。 春卷粗身，餡料係大大枝蟹棒，自然吃得滿足。 萬料不及套餐既丼飯係咁大碗，米飯被帆立貝、日本海膽、三文魚籽及松葉蟹蟹肉完全覆蓋，食力有限既我唯有主攻各式食材，真的吞不下全碗丼飯了。 因為，接著來還有松葉蟹甲羅燒，自行打隻生鵪鶉蛋去拌勻，邪惡佐美味。 飽了一大截，壽喜燒鍋終於出場，都是鋪滿了各式菜蔬、菇菌及豆腐等，感覺好健康。甜甜的壽喜燒湯汁好合我口胃，因此索味的菜蔬我都吃了不少。 跟的兩款肉都係好東西，和牛及日本豬梅片，由於屬薄身，輕輕拖兩下即可，真心軟嫩好吃，尤其是日本和牛。 甜品都無揸流灘，唔係一粒蕨餅就算，而是雪糕配窩夫，甜胃滿足了。
