踏入十月，大閘蟹之約接踵而來，是晚跟食友來到帝逸酒店中菜廳逸軒，食巨型大閘蟹。Bosco師傅既大名當然聽過，卻從未有機會試到佢既手勢，所以今餐我是滿懷期待的。 先以幾款頭盤作熱身，打頭陣既蟹粉蟹肉脆皮雲吞，將足量既蟹粉及醋珠放在脆卜卜的迷你蟹肉雲吞之上，一口咬下，甘香脆口，岩晒愛香口嘢既我。 接著來的天府口水汁鴛鴦雞卷，鴛鴦皆因用埋烏雞去做，不論賣相、口感與味道都更有層次，沾上麻香恰到好處的口水雞汁，清爽醒胃。 第三道頭盤的瀨尿蝦，師傅已貼心地去左殼，味道有少許辣，面頭亦有一小撮燒椒醬，同樣是辣的涼菜，但風格卻截然不同。 套餐自會有湯品，原個椰皇濃湯燉花膠，湯頭以螺肉、赤肉、雞肉及椰子等打造而成，清潤甜美得無話可說，加埋大大隻既花膠，男女士都會喜歡。 大閘蟹都係清蒸喇，七両重既公蟹，係今年暫時吃過最有份量的。 食客如果似我般懶，可以請店員幫忙拆蟹。打開蟹蓋，蟹羔唔少，肉質也非常鮮甜，吃得滿足。 食完大閘蟹，自然有薑茶來驅寒溫胃，師傅設計既沖繩黑糖薑茶，仲配上切得開花既豆腐，盡顯刀功，賞心悅目。 隨之而來的鹿兒島豚肉賣相有幾分像日式鐵板燒的出品。豚肉經過熟成，口感柔嫩，肉香突出，配以脆香的蒜片，蠻不錯的。 蟹粉蟹肉燴冬粉，甘香不在話下，是要與第一道的炸雲吞作個呼應嗎? 單尾既炒飯，足料是必然，喜歡佢加入了羽衣甘藍，令成件事更加香口，明明當時已飽到上心口，都可以吃得一粒米飯不剩。 甜品既有濃郁的芝麻糕，亦有清新精緻的桂花冰粉，呢一餐都好圓滿。餐廳資料:逸軒沙田源康街1號帝逸酒店2樓36531112
