晨早機，坐Uber去機場，比預期中更早到達，要搵個Lounge坐低hea時間。目標係2024年7月才啟用的Kyra Lounge，由於太新，網上對呢個貴賓室的評語沒有太多，但幾乎清一色是正面的。我想，至少比嗰個要排隊拎票入內嗰個要好吧！ 相比起玉衡堂、寰宇堂等，呢度既裝潢多了一份時尚感，又有落地大玻璃，好開揚濶落，特別喜歡酒吧既位置，有點點似未裝修前的 Amber那種感覺。 暫時只有Priority Pass或者Lounge Key既持有人先能夠入去，所以人流並不多，岩晒我呢啲最怕嘈喧巴閉既人。 嘢食全部要係外面拎，欠缺單點Order，是與別的Lounge稍有不同。 由於是早餐時份，試不到招牌的焗豬扒飯，吃的都是大路的項目，西式既有沙律、Cold Cut、炒蛋、腸仔等... 愛健康的朋友，或可整個牛奶麥皮、Yogurt等等。 而我是日中式胃在投訴，所以主攻各類中式食品，豆漿配油炸鬼、炒麵、燒賣都成為囊中物，再吃些少生果，對我來說已很足夠了。 最後當然要飲杯咖啡，咁先至係Good Morning嘛~ 喜歡飲酒既朋友，可以試試佢哋既Cocktail，有香港為主題的Signature Drinks，啤酒也是用Suntory Premium Malt既生啤，好有誠意。不過我就唔飲酒喇...看看手錶，時間差不多，要開始我既旅程喇!貴賓室資料:Kyra Lounge香港赤鱲角國際機場T1 – 離港層6樓，靠近 23 號閘口
