當附近的Contrast要大排長龍，回春又無位的時間，我心中已盤算著會來到這個「角樂」。在通透的玻璃門望進去，仍然有位，立即推門入去。 店子以白色為主調，配撘些植物與及貓貓擺設，簡約舒適。 價錢都好合理，大部份主食一舊水樓下，已包基本飲品，如我吃的Carbonara，七十二蚊，唔需要加一。味道幾濃郁的出品，連同煙肉及芝士，我覺得可以收貨，但這是有忌廉的版本，如果你是死硬派，要追求「正宗」，咁呢度既出品就唔岩你。 天氣實在太熱，無辦法唔放棄熱飲，要杯凍既美式咖啡就好了。美式咖啡算是基本飲品，不用加錢，以精緻的玻璃杯盛起，倒是不錯。 如果平日十二點十五分前落單，同埋十二點四十五分前離座，可減十蚊。當然，你都可以邊食邊打開電腦做嘢，坐佢大半天，無人會趕你走的。不過，如果繁忙時間，大家自己識做啦！
