今次為左方便，住係博多駅旁的酒店，從機場去到酒店，半小時有找。御下行李，又是晚餐時候，沒走太遠，反正博多駅本身就有數之不盡的選擇。 來到了車站二樓的博多拉麵街，全層都是吃拉麵的，博多一幸舍是最有名氣的，不過我見對面的那家元祖博多だるま反而有更多日本人幫襯，直覺應該唔會衰得去邊。 在自助販賣機點好了食物，將票交給店員，找個位置坐下，不一會豚骨拉麵就奉來。湯頭是濃郁的，但就唔係一雙嗰種咁極端既個性。兩片叉燒肥瘦有致，入口鬆化，雞蛋唔係超流，卻做到溏心，結合爽身偏硬的幼麵，還不錯。重點係，只是香港的一半價錢。 明太子的咸味不是人人愛，但我又接受到，加上微微的辣勁，撈飯一流。 識我既朋友都知我係日式餃子控，來到博多又豈能不吃呢！一口Size，皮薄，若不是打算留肚在中洲屋台食宵夜，單人啪晒成碟是毫無難度的。 見門外開始有人等位，快快飲埋杯烏龍茶便離開。慢慢散步過去運河城，夾好時間睇音樂噴泉！
