晨早起床清新開朗，搵個地方嘆個靚早餐，才開始是日的活動。麵包名店Bread, Espresso & Hakata就在我下榻的酒店附近，步行過來幾分鐘就是，所以據聞要排大隊先有得食，我都唔介意過來碰一碰運氣。可能是平日的緣故，可以直行直入，甚至有得揀位坐，睇嚟是日有運行喇~ 在香港唔多喜歡食麵包，不過走進這店，卻又被重重既麵包吸引住，是咪好犯賤先? 因為中午會食好西，所以早餐要留肚，多士套餐夠晒數。厚身的多士頂頭放上一大片牛油，絕不花巧，但軟熟的包身結合牛油之香氣，已經很讚。日本的麵包總是美味過人。旁邊的兩片火腿，一小件的芝士，與及小兜漬過的蘿蔔沙律，食完其實都幾飽肚。 Panini這款軟身的意大利包，配半溶的芝士及火腿最穩陣，中間夾兩片青瓜，有助減低膩滯感覺。 套餐跟杯飲品，熱拿鐵是早餐的必然首選，日本的咖啡普遍合我心意 (泰國既就心總是不對口味)，包括呢杯。看見很多本地人都叫上一客焦糖布丁，似乎幾吸引，可以我已沒戰鬥力去試了。下次到訪日本，定必要會一會佢。其實，之後我是去茶修，又一很好的體驗。
