不諱言，原先的目標並唔係這裡，只是那間Cafe唔知裝修還是執笠，圍晒板。我份人一向都有兩手準備，立即啟動Plan B。兩者距離不算遠，走過來大約五分鐘，門口見到種了些盆栽的61E舖，就是了。 出去櫃面落單，餐具同水都係自助形式，無咩服務可言，所以無收加一服務費? XD 要左份風乾火腿炒蛋Sourdough，不是什麼高難度之作，更估佢唔到面頭加左撮魚子醬來作點綴。酸種包味道正常，至少邊邊位唔怕硬得咬崩牙，炒蛋嫩滑厚身又夠熱，不過始終風乾火腿和魚子醬都是偏咸的東西，兩者加起來就有少許太重口味。 即使是假日，咖啡還是要喝的，Flat White拉花都似樣，入口順滑，四十蚊樓下的出品，我收貨了。 估唔到個 Sourdough咁鬼飽肚，好勉強才能完成，本身想吃點甜品作結，唯有放棄。若經開呢頭，入來嘆番杯啡，是有可能的。
