幾年沒踏足檳城，驚覺佢多左好多Cafesssssss...大汗疊細汗，隨意走入間Cafe飲杯嘢，涼下冷氣，結果就來了這家Mojo。地方幾大幾光猛，除左咖啡飲品，仲有蛋糕和雪糕食，似乎我無揀錯。 再周圍看看，發現桌上有些兒時玩意，譬如唔同顏色既竹纖，層層疊等，又幾過癮。即時拿出層層疊大顯身手，兒時回憶返晒嚟。 在櫃檯點了飲品和雪糕，店員問有無興趣玩塔羅牌?起初以為是要收費的，不過在Cafe有塔羅牌玩，總算是難得的機會，至少我從沒試過，不妨體驗下丫。原來，係度買左嘢飲及食物，玩塔羅牌是免費的，那就更加無理由拒絕啦！飲完嘢，食埋雪糕，再睇睇培羅師會點講我既命運~ 一杯紫色，大概是蝶豆花的飲品，而我選的一杯叫I am super rich，即是菠蘿及龍眼梳打，兩款飲料的杯子都是會發出閃光的，影相拍片既朋友應該會大喜，相信可以呃到唔少Like。味道不太甜，有果肉在內，最重要是夠冰凍，在身水身汗情況下呷幾口，透心涼。 買左一球雪糕，會跟一個Cone和一款Topping，既然來到檳城，我既選擇就自然是榴槤口味，縱使我清楚呢個不是果王當造的時節。榴槤味依然是濃郁的，雪糕筒脆口，配合埋香脆魚仔餅，都唔錯丫~ 食完飲完，就去玩塔羅牌，培羅師講既說話，我都有細心反思。幾特別的體驗。
