晚市禁堂食，來到假日，尤其是大時大節，想出街走走也是人之常情吧~梗係，需要做足防禦措施。尖沙咀的幾間Cafe，不論是新店或者舊品牌，同樣插針難入，香港人根本就係困唔住。最終，行到去山林道的梔子，才有位置坐下。三年前朋友問我店名點讀，我唔識。今天另一友人再問我，仍然唔識，哈哈，三年來從沒進步過。 已吃過豐盛午餐，目的是來飲杯咖啡，支持下理念相同的小店，當然，吃件蛋糕亦無妨。 店家每天只供應兩款蛋糕，貴精不貴多，是日分別係開心果慕絲，與及黑朱古力蛋糕。素來重口味既筆者，鎖定黑朱古力為目標。蛋糕看得出很Rich，面頭有點覆盆子乾，旁邊一片西柚乾作點綴，是用心之作。蛋糕細滑之餘，吃起來幾有層次感，巧克力味是想像之中的濃郁，真心不錯。 拿鐵與榛子拿鐵是我與好友的選擇，驟眼看兩者分別只在於兩粒榛子，但凡事又點可以淨眕表面呢！ 我的拿鐵，醇和順滑，喝到尾拉花也不會走樣，近日連番在不同的咖啡室觸礁，今次終於飲番杯合心水既出品。店子還有手工啤供應的，只是我從來不是酒人。離開之時，已有一條小人龍，香港人對飲咖啡有咁熱衷嗎?
