相信前世做左唔少好事，天堂留左個位俾我之餘，今世的朋友也對我超級好，如這次澳洲行。 朋友知道筆者喜歡吃，問我食唔食生蠔，話除了Sydney Fish Market之外，更想帶我去蠔場睇睇，吃更新鮮優質的生蠔，問有冇興趣。 又唔使我搵路，又唔使我揸車，仲有新鮮生蠔食，實在諗唔到原因點解要Say No。 結果，驅了一個多小時車，從悉尼市中心去到中央海岸區 (Central Coast)，來了這Hawkesbury River Oyster Shed。 規模比想像中細，但面對一片蠔場，品嚐即開新鮮生蠔，心情仍是非常興奮。 很專注的養殖，蠔場只供應Sydney Rock和Pacific Oyster，還有小量蝦及三文魚搭住賣，係咁多。 Sydney Rock和Pacific Oyster各半打，細隻的Sydney Rock入口幼滑，海水味重。Pacific Oyster個子則大得多，肉質爽脆，清甜鮮美，海水味在口中綻放。能悠悠然坐下吃著鮮味爆燈的生蠔，確是十分難得的享受，若然手中有杯白酒來伴之，就更理想。 食完，記緊將蠔殼放到指定的位置，唔好做討厭人既事情呀！ 之後，我們去Bunning買種子，跟住朋友再揸兩粒幾鐘車，車我去食越南嘢~
