踏入秋天，相信是適合郊遊的好日子。大帽山是香港最高的山，海拔957公尺，比第二高的山峰鳳凰山高23公尺。大帽山昂然屹立新界中部，幅員廣闊，視野良好，坡度相對平緩,適合平常欠缺行山經驗的都巿人前往，是鄰近巿區的郊遊好選擇。 大帽山由於在930公尺以上屬於天文台禁區，一般人不可進入，但有坡度平緩的車路直達閘外，大家可於閘外觀賞美景。 是次一日遊由川龍出發，喺彩龍酒家飲早茶。位於該村的兩家酒家均採用山水煮食，甚具特色，且價格相宜，質量好，十分推薦大家去試，而且仲設有停車場，方便價車人士。 但係要留意嘅係佢閂門時間好早，所以最好係朝早十點去到(尤其係假期嘅時候好難等位)。 跟着行20分鐘就去到扶輪公園， 大帽山 入面有條研習徑， 仲有個好大嘅燒烤場，嚟bbq啱唒，成200人嚟都唔驚冇位燒， 仲有大量停車位。，不過因為想試山水飲茶所以冇食, 下次再嚟啦…… 之後再沿住斜路上大帽山，沿途都見到有好多牛牛，好可愛^_^。 沿路仲有一啲野餐區，同埋支路落返去荃錦公路， 中途想走都得，行30分就到山上， 有好大塊空地， 空氣超清新！勁正！ 沿麥理浩徑第八段直行仲可以去到鉛礦坳同城門水塘/嘉道理農場， 可惜冇時間就返返落山喇……下次再嚟……
