要係元朗食港式懷舊風鐵板餐，除左出晒名既安X餐廳，位於元朗遵理學校附近的寶石餐廳都係一個好選擇。 . 寶石餐廳裝修以港式懷舊風，配上懷舊感覺的黑色皮梳化及紅白格子餐紙，甫踏進餐廳便感覺到濃濃的港式懷舊扒房情懷。揭開餐牌，每款菜式價錢非常相宜，我與男朋友分別order 了德國白烚鹹豬手配蒜蓉汁及紐西蘭肉眼扒5成熟配黑椒汁。2樣食物一黎到真係被個分量嚇親，除左主角鹹豬手同肉眼扒大份外，配菜亦鋪滿整個鐵板，非常足料! . 德國白烚鹹豬手配蒜蓉汁 鹹豬手用了白烚方式烹煮，沒有經過油炸，比較健康。豬手非常厚肉，以為要花好多力氣同時間慢慢切，點知切一切就輕易離骨，讚。口感方面，豬手入口嫩滑，又吾會太咸，配埋蒜蓉汁一齊食，啖啖肉感，非常實在。 . 紐西蘭肉眼扒5成熟配黑椒汁 肉眼扒煎到香噴噴，非常香，即時食慾大增。且肉眼扒足足有2大塊，每塊份量比一隻手心還要大，足料!! 肉眼扒無overcook，切落去仲見到裡面非常吸引的粉紅色，擺入口吾會乾爭爭，咬落肉質juicy，一D都吾刅，好吃。另外本人非常中意食洋蔥同薯格，而尼度既鐵板餐居然同時滿足到我2大喜好，仲要份量非常多，絕對會encore . 寶石餐廳 (元朗) 元朗元朗安樂路1-11號明珠樓地下7-9號舖
