餐廳位於旺角波鞋街附近，交通環境非常方便。門口招牌黑白對比，簡約但不失大氣，醒目易認。 . 店內同樣採用沉色系裝修，但配襯不同龍蝦主題的特色牆及座位位置所擺放不同的龍蝦裝飾物（例如，玩偶，頭飾（今次食評影相既龍蝦頭飾都係店鋪畀人打卡呃like 的裝飾物）），使整體餐廳視覺相映，帶點玩味風格。 . 而作為主打龍蝦主題的餐廳，當然會有不同龍蝦的料理給大家選擇。個人推介order最出名的龍蝦匯套餐，貪其咩都有，可以一次品嚐多種菜式。 . 龍蝦匯（$468) . 套餐份量多，賣相豐盛✨✨。套餐包括龍蝦包，烤蒜蓉牛油龍蝦及龍蝦雜錦海鮮烏冬。 . 當中的龍蝦包及龍蝦雜錦海鮮烏冬最得我心，因為我只係食咗呢兩樣（烤蒜蓉牛油龍蝦因為已經飽左食吾落喇）。 . 龍蝦包成個好似字典咁厚，內含豐富加拿大波士頓龍蝦肉及沙律菜，食前拎住影相呃like，未開始影，已經有龍蝦跌咗少少出嚟。龍蝦包口感外層鬆脆金黃，聽講麵包2邊都有先塗牛油烤烘過，個人認為麵包有好似韓國toast加左少少蜜糖，因食得出甜甜地，如此邪惡的配搭，難怪味道咁好食， . 食龍蝦雜錦海鮮烏冬時，推薦絕對要配埋啲湯一齊食。烏冬跟龍蝦、海鮮、粟米、京蔥一同烹煮，上菜時熱辣辣，香味四溢，龍蝦湯味入晒烏冬及配料上面，鮮香濃郁，好美味呀 Day and Nite by Master Kama 旺角山東街50號1樓
