時間真係過得快😩話咁快就要離開哥本哈根今日會出發去瑞典第三大城市馬爾默Malmö 喺地圖見到經過一條叫Øresund Bridge就會到，Øresund Bridge 係一條連接丹麥和瑞典之間的橋，係全歐洲第二長嘅橋樑，亦都將公路和鐵路結合喺同一個結構中因為鐵路喺係下面行走，風景都容易被擋住，所以我哋選擇咗搭巴士，就會喺橋上面～好快就到咗馬爾默Malmö！📍Malmö Centralstation 因為喺呢度只會快閃一日，所以我哋對酒店嘅要求都冇咁高，只係希望佢係近中央車站，所以揀咗一間三星嘅酒店 Moment Hotel 其實大堂同設施我覺得都唔錯，服務人員態度亦十分有禮，唯獨間房就真係好細，一開門已經到咗床邊，兩個人如果都帶大喼係冇可能同時打開行李箱～ 不過第二日嘅早餐部分都值得一讚，食物有好多選擇，地方都好舒服企理～ 放低咗行李就出發去飲杯咖啡先！去咗一間評分幾高嘅咖啡店入到去的確幾靚～📍Konditori Katarina Coffee Shop 一杯咖啡45 SEK (大約HKD 37) 營業時間：07:00 - 18:00 (星期一至五) // 10:00-18:00 (星期六至日)地址：Hamngatan 4, 211 22 Malmö之後就喺舊城區 Gamla staden 周圍行吓～📍Malmö - Lilla Torg好快就見到呢個歷史地標～聽講好耐以前嘅人喺係呢度交易，買賣日常用品，喺城市嘅核心地段 跟住就見到當地出名樂團嘅石像 📍Davidshalls Bridge當然仲有擺放咗啲藝術裝置嘅橋，喺不同知名人士嘅鞋～ 📍Disgusting Food Museum 噁心食物博物館 跟住就到今日最重要嘅事！就係去噁心食物博物館我都十分期待，其實一打開門已經聞到一陣怪味🤣博物館地方唔大，主要係一間大房，入面擺放咗好多唔同嘅噁心食物同簡介，博物館一開始會以食物安全為引旨，可能講吓三聚氰胺奶粉事件、河魨等 之後就開始入正題，展示各樣被視為噁心嘅食物，當中臭豆腐同皮蛋都榜上有名，而當中亦有唔少蟲類、芝士類食品，除咗睇介紹，仲有得聞🥶 有啲見到的確係會有啲唔開胃🥶 跟住就有個BINGO 嘅試食環節，職員會俾各類不同噁心食物試食，最後仲有個食辣測試，挑戰成功後就可以玩幸福輪，的確幾多趣😆 當然仲要為皮蛋平反一下 下回繼續瑞典之旅～繼續閱讀：🇫🇷法國：羅浮宮攻略篇🇦🇺墨爾本必去景點🇭🇰2025 香港導遊牌考試攻略篇🇩🇰五天快閃哥本哈根酒店推介
