喺哥本哈根玩咗三日，今日就會出發去另一個城市Odense～因為嗰度係安徒生嘅兒時故居 喺地圖睇到由哥本哈根去位於菲因島嘅城市歐登西要兩個小時我都就決定搭FlixBus 去，因應時間一程大約30歐元(～HKD$280)去到再轉地面鐵路就到咗啦！嗰日去到天氣都唔錯～ 📍安徒生博物館 (Hans Christian Andersen's House)推薦度：⭐ ⭐ ⭐ ⭐ ⭐ /5 (滿分推薦！) 一開始就會以安徒生的一生作描述，包括佢嘅出生、家庭情況等 之後就有一啲介紹安徒生的隨身物品、感情史，覺得內容豐富之餘亦都容易令人明白，而且每個人都會有一部Audio 機，可以自行選擇聽或重播相關內容 去到展館嘅中後段就有好多互動裝置，唔單止係小朋友，連大人都會玩得好開心，主題主要是圍繞安徒生著作的故事，包括：醜小鴨、賣火柴的小女孩等 入面的場景都整得十分靚，的確是一個唔錯的博物館能帶給觀眾一個難忘的體驗，十分推薦大家去～ 安徒生博物館 (H.C. Andersen's House)門票：DKK165起；DKK210 (包導賞團)開放時間：0900-1800 (週一至日)地址：Sankt Jørgens Haven 1, 5000 Odense C離開咗安徒生博物館之後，我哋就喺Odense 嘅市中心周圍行吓附近都有好多有特色的手信店同埋顏色小屋，一定會有一間啱你心意～ 附近仲有一間百貨公司，售賣質素很高的家品 亦有歷史悠久的編織店～ 仲有試飲呢個出產於丹麥嘅朱古力飲品，飲到真正嘅朱古力～ 今集嘅記錄就去到呢度～下集我哋會離開哥本哈根，出發去瑞典第一個城市馬爾默Malmö
