上次介紹咗哥本哈根嘅重點博物館仲有最地道嘅本地週末市集同小店區今日一齊嚟過最遊客嘅一日😆一大早我哋就去咗核心地段 Strøget街一帶附近都有好多旅遊景點同市場📍圓塔 Rundetaarn推薦度：⭐ ⭐ ⭐ ⭐ /5首先去咗圓塔，呢個係丹麥哥本哈根一座屬於17世紀的塔圓塔係三一教堂的一部分，當時就係為學者提供一個天文台、一個學生教堂和一個大學圖書館遠睇唔算好高，入場記得要先在門口買票 入到去就開始進入螺旋斜坡，一共大約有200 米長，最後經過樓梯就會到塔頂～ 想知道圓塔更多詳情可以去官網門票價錢: 成人60 DKK；學生：40 DKK開放時間：1000-2000 (四月至九月)地址：Købmagergade 52A, 1150 København📍旅客必去 Little mermaid推薦度：⭐ ⭐ ⭐ /5仲有遊客都會去嘅美人魚雕像美人魚雕像係以安徒生童話同一位妻子嘅樣貌為藍本，就雕咗呢尊美人魚雕像，雕像唔高，但就有驚人重量 (175公斤) 不過附近除咗係美人魚像之外就冇咩嘢睇值唔值得睇就見人見智～📍食盡各地美食嘅 Reffen market推薦度：⭐ ⭐ ⭐ ⭐ /5跟住就有另一個我十分期待嘅行程，就係可以食到唔同地方美食嘅海邊 Raffen marketRaffen Market近海邊可以搭船去如果買咗哥本哈根交通卡就唔需要再俾錢 去到之後環境十分舒服～ 去到就見到有好多攤檔，食物種類方面幾乎冇重覆 我哋最後揀咗兩間，就係食菲律賓嘢食嘅串燒飯，同埋食丹麥食物嘅烤豬肉三明治 仲有好多其他嘅美食：Nordic Hotdog、Fish & Chips、Baobab欣賞官方網站做得好仔細～檔口/ 招牌菜都寫得好清楚Reffen Market食物攤擋營業時間：星期一至日11:30- 21:30Refshalevej 167, 1432 København📍擁有最古舊過山車的趣伏里公園 Tivoli推薦度：⭐ ⭐ ⭐ ⭐ ⭐ /5 跟住就要介紹喺嚟到哥本哈根一定要去嘅其中一個行程就係全球第二歷史悠久嘅趣伏里公園 Tivoli 呢個喺1843年已經開始營運嘅公園，亦都有住最古舊嘅過山車 (Rutschebanen/ Bjergbanen)就算唔玩過山車，園內都十分值得大家一去 當中有啲比較懷舊嘅佈置，亦有啲係融入咗中國式嘅建築 而且都有唔同嘅表演舞台～ 建議大家可以黃昏後或夜晚再去，因為係會更有氣氛～ 門票方面有分入場門票同過山車門票價錢都會因應到訪日子有差別，如果係星期一至四入園價錢為 DKK180 (8歲或以上)星期六或日去就會係每位DKK200 (8歲或以上)如果想包埋過山車嘅話價錢為 DKK479起 (8歲或以上)樂園主要在3月至9月開放，或在特定節日營運，包括：聖誕節一般開放時間：1100-2300想知道更多記得去官方網站今日就嚟到呢度，下集將會紀錄我哋去搵安徒生～
