今集繼續哥本哈根，來到嘅第二日就係星期日，當然要行本地Local 市集睇下有咩好買～首先每朝第一件事當然係去Coffee Shop想睇咖啡店/全日早餐餐廳嘅可以去合輯仲有位置方便、又有海景嘅住宿推介📍傳說神級咖啡店 The Juno Bakery推薦度：⭐ ⭐ ⭐ ⭐ /5 呢間咖啡店係Youtuber/Google 都好紅有好多人都大讚好味～今朝一起身就要去啦！朝早九點幾去到已經有一條長龍，仲突然落起大雨，就有啲狼狽最後排咗二十分鐘到就買到幾款包點 叫咗Milk bun, Sesame Sourdough Bread, Strawberry brioche款款都新鮮出爐，Milk Bun 麵包口感鬆軟Sesame Sourdough Bread 食落有好重嘅芝麻香，當然仲有邪惡嘅Strawberry brioche😋真係全部都咁好味～JUNO the bakery地址：Århusgade 48, 2100 København營業時間：0730-1700｜星期一休息📍LoppeLinda Fælledparken 市集推薦度：⭐ ⭐ ⭐ /5除咗去旅遊景點，都想去一啲本地人都會去嘅市集發現夏季每個週末都會有唔同嘅市集，想搵一個時間夾又喺附近嘅可以去 Ig:myvintageguide市集旁邊係個公園～環境都幾舒服 去到就有啲大笪地嘅感覺，大家都好似喺屋企攞啲嘢出嚟賣有啲物品就比較殘舊，雖然有啲都好新淨不過啱買嘅嘢唔多～ LoppeLinda Fælledparken 市集地址：Århusgade 48, 2100 København2025年開放日子：4-9月 去官網留意詳請📍潮人集中地 Veras Market推薦度：⭐ ⭐ ⭐ ⭐ /5跟住就去咗另一個專賣時裝嘅市集，用咗啲貨櫃嚟裝飾喺橋底嘅市集都特別有氣氛，而且仲好熱鬧 有時都會搵到一啲名牌包、鞋亦有啲造型唔錯嘅手工耳環～呢個市集俾人嘅感覺就較年輕啲，話唔定都可以喺度搵到心頭好 Veras Market地址：Bispeengen 12, 2000 Frederiksberg2025年開放日子：4-9月 去官網留意詳請📍Ny Carlsberg Glyptotek推薦度：⭐ ⭐ ⭐ ⭐ /5 之後就到兩個重點博物館呢個新嘉士伯美術館喺Google 評價都好高，主要係睇嘉士伯公司創始兒子嘅個人收藏品入面主要係有好多雕塑展品同不同畫作 博物館入面有個歐式庭院，亦都設有小朋友活動角必睇項目有 - Greek and Roman SculptureDanish Art 1780-1930Degas' Obsession (展覽至11/2026)Ny Carlsberg Glyptotek (去官網留意詳請)地址：Dantes Plads 7, 1556 København開放時間：1000-1700｜星期一休館｜星期四放開至2100門票：成人(27歲以上) - 150DKK 標準；135DKK 網上預售價📍Thorvaldsens Museum推薦度：⭐ ⭐ ⭐ ⭐ /5最後仲有呢個托瓦爾森博物館，有如佢嘅名稱一樣係一個單一藝術家博物館，用嚟紀念托瓦爾森(1770–1844) 同展出佢嘅作品，1848年開始營運，係哥本哈根首個對外開放嘅博物館而藝術家托瓦爾森都係埋葬咗喺博物館嘅後院博物館雖然唔算係好殘舊，但建築風格或者室內的擺位就好有年代感再加上入面嘅雕像都好大同像真，入到去有啲令人毛骨悚然但都有好多經典必睇作品包括：Ganymede and the Eagle(右圖) 仲有：Jason with the Golden Fleece(左) & Venus with the Apple (右) 想預先睇博物館嘅展品可以去官網展品目錄Thorvaldsens Museum (去官網留意詳請)地址：2 Bertel Thorvaldsens Plads開放時間：1000-1700｜星期一休館｜星期三免費入場門票：成人(18歲以上) - 110DKK 標準啱啱好五點離開博物館，於是就去埋旅遊打卡區Nyhavn 新港行下，下次繼續～
