上次就介紹咗地理位置超方便，附近又有IKEA 同大商場嘅酒店～仲有快閃都要買嚟慳錢嘅交通City Pass今集一齊出發！嚟到哥本哈根每朝第一件事應該係去Coffee Shop😆想睇咖啡店/全日早餐餐廳嘅可以去合輯📍人氣高企咖啡店 Prologue Coffee Bar推薦度：⭐ ⭐ ⭐ ⭐ /5 今日首先就去位於我哋酒店附近嘅Prologue Coffee Bar除咗飲咖啡，我哋都叫咗啲包點，包同咖啡嘅款式選擇唔多但聽講佢嘅包係由另一間都好出名嘅咖啡店Juno Bakery購入，所以一樣咁好味！比較多人推介嘅有Cardamom bun同Almond Croissant我哋就叫咗個杏仁牛角包同咖啡 (約$125港幣) 個人覺得杏仁牛角包的確好食，不過一個人食哂成個就好滯了鍾意佢嘅杏仁味啱啱好，亦都食得出包係十分新鮮嘅～咖啡店本身較細間，好彩有好多室外地方可以坐天氣好就可以坐出面慢慢嘆咖啡～ Prologue Coffee 喺哥本哈根都有四間分店佢地亦都賣咖啡豆，詳見官方網站Prologue Coffee Bar (Vesterbro 分店)開店時間：0800-1700| 星期六日開0900地址：Høkerboderne 16 1712 Copenhagen, DK📍特色本地小店區 Jægersborggade推薦度：⭐ ⭐ ⭐ ⭐ /5 有驚喜地呢度一條巷就已經收埋咗好多高質素店舖好多都係前舖後工作室而店舖產品的價錢都唔算離地，絕對係可以俾嘅價錢～以下係我個人覺得唔錯嘅商舖，其他有待大家發掘：1 - 由珠寶設計師開嘅 Malene Glintborg 2 - 酒鬼必去 The Last Drop Jægersborggade 3 - 靚靚熱門二手店 Tú a Tú - Secondhand 4 - 針織大師 Craft Sisters 5 - 文青迷你畫廊 Udtryk - Galleri & Værksted 仲有好多高質小店有待大家發掘～開放時間：視乎個別店舖地址：Jægersborggade📍隱世公園Superkilen Park推薦度：⭐ ⭐ ⭐ /5 去到遠啲嘅 Norrebro區可以去呢個由簡約線條公園Superkilen Park 唔係一個好熱門嘅旅遊景點所以會見到好多本地嘅小朋友喺度玩緊地方去到發現有啲細，但有個小斜坡、有好嘅天氣影相都會好靚！ 開放時間：全天開放地址：Nørrebrogade 210, 2200 København, 丹麥 📍Designmuseum Danmark推薦度：⭐ ⭐ ⭐ ⭐ /5 除咗哥本哈根兩大博物館之外，我哋對呢個設計博物館都好有興趣每期都有唔同嘅主題，呢排嘅主題包括有傢俬設計師 Anders Hermansen嘅 Laboratorium意思就係了解從最初的想法到最後製作成品的過程 仲有好出名嘅丹麥印花展覽，有好多都係全人手製作 另外最後仲有幾個恆常展覽，包括係介紹餐桌佈置歷史可以睇到唔同時期的餐具變化～ 當然仲有好多其他同設計有關的展覽～ 門票價錢：DKK140地址：Bredgade 68, 1260 København開放時間：1000-1800｜星期四開到2000今日就大約嚟到呢度，下篇繼續去哥本哈根唔同嘅地方💛💛繼續閱讀：🇩🇰哥本哈根交通同位置超方便住宿推薦🇦🇺澳洲墨爾本必去景點🇫🇷法國羅浮宮必睇攻略🇭🇰香港葵廣掃街全記錄
