今年出走決定去北歐，好好紀錄一下短短十幾日行程的景點同美食首站會去哥本哈根🇩🇰、馬爾默、哥德堡同斯德哥爾摩🇸🇪第一日由哥本哈根講起～嚟到哥本哈根第一樣最難忘當然係單車一落酒店就見到壯觀嘅返工單車群 雖然會喺哥本哈根逗留五日，唔算十分短嘅時間但計埋到達同離開嘅交通時間，行程都好緊湊，於是揀咗一間好近地鐵站嘅酒店Copenhagen Island Hotel (四星) 我哋揀咗高級房，房間空間夠大，開到大行李箱景觀都好開揚，見到有個露天泳池 約HKD6000 (5晚價錢) (唔包早餐)酒店仲鄰近地鐵站同商場，晏咗返去都可以喺商場超級市場買補給最開心仲要有IKEA 係對面～開心到傻咗哥本哈根交通網絡十分完善，喺市中心去唔同地方都好方便，有需要亦都可以因應旅程長短購買City PassCity Pass 就視乎範圍同日數有唔同價錢一般旅客快閃哥本哈根嘅話City Pass Small就夠因為佢已經包埋往返機場～想知City Pass 詳情請去官網連結 建議去到先直接用DOT Billetter APP 購買出發前可以先進行認證，到時就可以即買即用，買咗之後就會即刻計時了我哋買了72小時City Pass 220DKKSmall City Pass 價錢如下 (7/2025)：24小時：100 Dkr. // 48小時：160 Dkr. // 72小時：220 Dkr. 96小時：280 Dkr. // 120小時：340 Dkr.//想知其他City Pass 價錢去官方網站 哥本哈根地鐵站冇入閘機，不過喺站內會見到呢啲Check-IN/ OUT機如果喺APP度買咗票都唔需要拍卡除咗交通通行証，哥本哈根都有另外的旅遊景點卡旅遊景點卡都會包埋交通通行証，不過當然貴好多，如：24小時就收75 歐元 (包景點＋交通)旅遊景點卡包含嘅景點都好多，不過就要睇下景點是否合適，因為我哋今次去景點嘅行程比較不集中，計落都係每個景點買抵啲所以就冇買啦～主要景點＋入場費用 (2025/7)：遊樂設施/動作園：Tivoli Gardens 180 DKKCopenhagen ZOO 249 DKK博物館：Glyptoteket 135 DKKSMK Copenhagen 130 DKKDesign Museum Denmark 140 DKKMuseum of Copenhagen 110 DKK城堡：Rosenborg Castle 140 DKK除以上景點之外，都包括好多其他景點今次分享到呢度，下集會正式出發～
