今篇會最後講埋路試秘訣，前幾篇都提及過有關筆試同路試嘅考法，想知更多可以睇筆試必讀、路試怎樣考、路試流程分享不過自修生喺路試嘅合格率一向都唔高，評分或者好多考試嘅仔細位都未必可以喺考試範圍中參透究竟路試合格有甚麼秘訣或要注意地方呢？1 - 衣著首先要講衣著，雖然我參加導賞團冇見過男導遊著西裝，亦冇見過女導遊著恤衫、平底鞋但呢個考試衣著的基本要求報咗考試之後會報名確認通知入面有路試評分準則！你會見到第一個評分項目已經係外表(佔10分)，而如果你冇穿著正裝(Business Formal)以2分開始減如果穿著商務休閒服但略欠整齊，如：沒有穿西裝外套就甚至得6分可能大家以為冇咗兩三分應該好小事，但呢個唔單止係影響印象，亦會容易就唔合格因為筆試係以扣分制形式完成，喺一啲較明顯嘅項目最好要攞足分其他部分，如：演講內容係比較主觀，亦都好難攞滿分，但如果你係著正裝全套，評分員係扣唔到分嘅2 - 攞咪方法、站姿呢個都係重點，如果有睇評分紙，衣著之後就係姿勢，透過分紙都可以參透到一啲正確嘅攞咪方法，例如：於講解時保持平衡、站立姿勢挺並自然，唔會傾向一邊因為導遊係會喺車上講解，車有時有停，有時會上山落斜，導遊如何提供到精彩講解，又保障到自己安全都係評分員關注嘅地方之一評分員會坐喺頭幾排嘅近走廊位，所以一定會留意每個人的站姿有啲危險嘅站姿，例如：交叉前後腳企都會大扣分而點樣緊握扶手保障自身安全都有技巧另外旅遊車內講解技巧都佔8分，例如：音量穩定及適中，亦有啲扣分項目，如：擴音器離開嘴唇下方超過二吋等，所以建議大家自己練習時，最好都要試下攞住一啲物件，對鏡練習，不時檢查吓自己揸咪的距離等想知道仔細評分準則記得留意確認路試電郵入面的內容～3 - 內容仲有大家最關心的講解內容，如果有睇前幾篇就會知道內容詳細都視乎路試長度、景點之間的距離等內容方面建議大家要每條路線都整一份講稿，分一啲係重點內容，一啲係額外內容，到時需要適時作出調整考試嘅時候旅遊巴會一直開，建議大家可以喺Google Map 先重溫行車路線如果唔熟嘅話可能會容易錯過咗要講嘅景點做得最好嘅考生應該可以做到，見景講景，懂得應變並即時作出反應及講解呢個應該都係評分員想見到嘅能力4 - 符合特定路線要求最後唔同嘅路線都有唔同嘅要求，除了要講解要求的景點及建築物之外，有一啲內容亦都係路試時要求嘅，如：抽中步行路線的考生要提及集合時間同地點亦有啲路線會要求考生講香港嘅文化，如：香港婚姻制度、香港節日等詳細記得參考返路試考試範圍5 - 參加導遊路試輔導班仲有一個好推薦的課程，就係由香港旅遊議會舉辦的導遊路試輔導班知道有好多自修生都希望自己1 Take Pass，我都會建議大家參加路試實戰堂，老師會好詳盡地講解內容，亦會用心地提到一啲仔細位，簡單至攞咪方法，去到步行路線講解位置及內容等，到時仲有機會一試考路試嘅滋味，雖然唔會好似考路試咁即場抽籤，但每個人都有機會出嚟試下講解景點，我個人覺得係一個難得嘅經驗，為考路試前作最好嘅準備～見到坊間唔多講關於考香港導遊牌嘅資料，希望呢幾篇文章可以幫到想考牌嘅大家～💛鍾意嘅可以睇埋我嘅其他遊記：🇭🇰參觀大坑一級歷史建築虎豹別墅🇦🇺在墨爾本過聖誕節🇫🇷法國里昂遊記🇻🇳越南峴港三日月日式水療度假村
