上篇提到喺香港點樣可以考到導遊牌，如果係持有學士或以上學歷人士可以自行報考試，以自修生身份考導遊牌，上次主要講咗筆試，有需要可以去睇自修生必讀筆記攻略今次主要係講路試～考完筆試就到重頭戲路試，一提起路試，考過嘅人都會覺得十分緊張刺激，因為考試範圍主要考港島的25 段考核，至於每條路線嘅內容、預計時間就已經寫喺旅監局嘅路試文件中詳見港島25段考核路線而考試就只會係其中一段，不過考生事前係唔會知道自己考邊一段，直至在考該路段嘅前約5-10分鐘到先會知道自己會被考那一段，而嗰時嘅旅遊巴係會一直開， 輪到你的時候，你就好似平時喺車上做講解嘅導遊一樣企係前面對住遊客 (其他考生) 咁講解，真係一個好獨特嘅體驗有啲似準備咗嘅即興演講咁，一講完那條指定路線後就會考完，就可以坐返埋位繼續扮遊客，真係有台上一分鐘，台下十年功嘅應覺可能用咗兩個月時間準備， 而最後就視乎你被安排嘅路線長短，可能只係講五分鐘，可能可以講咗15分鐘來評核你是否合格路試要講幾耐呢？首先最重要就係要知道路試係要講咩，對於自修生嚟講一定係會一頭霧水，不過旅監局其實都有啲網上教材可以參考大家都可以參考呢個路線地圖，路試時講幾長亦都取決於路線長短，如果仲需要參考路線需時就可以用到Google Map值得一提呢個都只可以參考，因為到時要講幾耐都好視乎當天的路面情況，如：當刻交通出現擠塞、紅綠燈等侯情況，所以最好有心理準備，知道有甚麼內容是屬於必講嘅，亦要準備啲附加資料，應付不時之需路試要講咩內容呢？對路線長短有概念後就可以準備講稿，考評員對路線內容其實有一定框框，喺路線資料入面其實已經可以見到 其實各路線已有一啲必須要提到及介紹嘅「景點」，例如：路線一有香港會議展覽中心、金紫荊廣場等 (留意橙色框框)，而用◎標示的景點/主題則是用來參考，代表就算考生沒有提到都沒有大問題不過話雖如此，千萬不要因為見到景點用◎就忽略，因為有些路段偏長，而景點很少的時候，這時◎景點/主題都十分重要如：以下是第6、7段參考講解範圍，大家見到需要講8-10分鐘 (上面已提到時間只供參考)，講稿預多好過預少，見到第6段只有三個景點，留意由建築物港安醫院(起點) 到暸望台是有一段路程，只談港安醫院是不足夠講到下一個景點，所以此段路的◎標示主題都是必講的這樣內容才有較充足～ 詳見港島25段考核路線所以製作講稿時一定要先包含必需講的景點，再充份利用◎標示的景點/主題，不過至於每個景點要講幾耐就冇規定嘅你可以花五分鐘去講一個地標，亦都可以用二三句好快帶過，同一時間都好視乎上一個景點去下一個景點之間嘅需時，例如：路線五係講虎豹別墅， 但除咗虎豹別墅之外，就只有香港大球場另一景點，亦冇其他◎標示的景點/主題，而呢條路線係上緊山，周圍都唔會有其他可介紹之地標，可想而知，就一定要背較多的虎豹別墅資料詳見港島25段考核路線 步行路試除咗喺車上講解， 其實有三條好特別嘅路線叫「步行路線」，即係係落車帶團友(其他考生) 行嘅，包括：淺水灣步行、山頂步行，步行路線雖然可以說是沒有時間限制，因為如果在車上講解，當旅遊巴一到達下一條路線的起點時，評分員就會示認叫你停，但步行路線方面，因為是靠導遊自行帶領團友行，所以評分員一般都唔會叫停考生步行路試會容易啲？話雖時此， 我個人不認為步行路線比其他一般路線容易，因為步行路線需要注意的地方亦不少，如：落地後在那裏進行講解比較合適、如何清楚說出集合位置、上車前需點算人數等評分員一一都會看在眼內，除咗要講解景點或建築物外，都可以有唔少出錯或扣分位總結嚟講，路試一共有25條，而當日考試考邊一段就係屆時才會知道，所以建議考生需要讀熟所有路線內容，即是當天考生人數不足25人，有一些路段可能會被列為流空，所以仍有機會會考最後的路段，千其不要只是要重點放在前期的路線下一次會講下考路試的流程，有興趣記得留意～有興趣知道筆試請去自修生必讀筆試筆記
