平日主要喺度分享旅行二三事，今日想喺度寫一篇同考香港導遊牌有關的文章，想喺香港考牌可以做自修生或者參加導遊試前訓練課程，課程有分兼讀制或全日制，不過如果你係持有學士、碩士或博士學位的人，就可以成為自修生，透過自學再直接去考試。不過知道考試相關資料唔多，希望呢度嘅分享可以幫到想考牌嘅人～先講吓點解我會去咗考牌呢？平日去旅行就算係自由行，都經常會參加本地旅行團見過唔少中伏、好頹嘅導遊，亦遇到過好多好有心、有熱誠鍾意介紹自己地方嘅導賞員不禁萌生咗去咗香港考導遊牌嘅念頭，另一方面都想藉此好好認識香港用咗大半年嘅時間 (絕對可以快啲㗎！)最後喺今年年頭就俾我好好彩地1 Take Pass咁考到導遊牌呢篇主要講吓導遊牌會考啲咩，導遊同領隊絕對係兩回事導遊考嘅會係對香港嘅實際知識較多，香港係由旅遊業監管局處理同簽發導遊牌，而香港旅遊業議會（旅議會）就負責主持及營辦考試，導遊主要分為筆試同路試兩部分，如果大家有興趣知道路試的流程或技巧可以睇呢度路試筆記篇筆試建議大家先考筆試部分，因為比較簡單同直接，筆試有分甲、乙兩部分，甲部分以長答題為主，亦有少部分選擇題、配對、是非題，但大家都要有心理準備係要寫好多字旅遊業監管局網站都有溫習重點，大家會知道邊啲主題較為重要連結：旅監局筆試溫習重點 (記得留意適用時間)由於自修生是沒有課本參考，報考咗之後大家可以去旅監局度借嚟溫想知份卷喺點樣，可以睇旅監局的試題範例除咗甲部嘅問答題之外，仲有乙部分，乙部分絕對係搶分位，背熟、記得、然後寫返出嚟就會有分！會出200題填充，絕對建議大家要記熟嘅，有需要都可以用個叫Anki嘅溫書APP，擺哂啲問題喺入面，每日都溫一啲，好快記會背哂報咗考試之後，喺確認電郵入面就會有筆記乙部香港及中國知識考試範圍。筆試合格標準：甲、乙兩部份各佔全卷分數的百分之五十，加埋攞到75分就合格，所以如果喺乙部已經攞到高分，就算甲部有啲唔識答都唔緊要下次會分享路試～💛鍾意嘅記得睇埋我嘅其他遊記：🇭🇰參觀大坑一級歷史建築虎豹別墅🇦🇺墨爾本必去景點🇫🇷羅浮宮攻略篇🇻🇳越南峴港三日月日式水療度假村
