今集首先同大家講下墨爾本嘅聖誕節🎄📍墨爾本聖誕裝飾去到澳洲過聖誕當然要去睇吓有咩聖誕佈置喺出發之前已經搵到好多地方都有聖誕裝飾見到裝飾主要係喺Free Tram Zone 入面資料喺What’s on Melbourne 有得睇 📍Christmas Square呢個喺位於海滂嘅聖誕樹係十分多人我哋去咗較高嘅位置睇係幾靚嘅 📍City Town Hall呢個俾人綁咗大蝴蝶結嘅墨爾本市政廳真係十分多人，好辛苦先影到啲相係冇咁多人日頭睇就麻麻地，夜晚去應該會再靚啲 📍Myer Christmas Window百貨公司Myer 都掛咗啲聖誕裝飾，遠睇都幾搶眼～ 📍Melbourne Central Shopping Centre最後仲有擁有Giant Clock 商場嘅入面，不過呢款就比較新潮，都十分有特色 🍴餐廳推介有一個好推介係喺Hardware Lane呢條街有好多咖啡店、餐廳 呢間叫Grill Steak Seafood 餐廳都好大，亦都有露天同室內座位建議大家有需要都可以先預約，因為一晏咗好多人，Walkin都未必有位 由於係食聖誕大餐，所以都嗌得好豐富😆我哋叫咗呢個Seafood Platter $160澳幣其實呢一個海鮮拼盤性價比係十分高！ 海鮮嚟講尖吻鱸、三文魚、龍蝦尾、大蝦、生蠔、青口、魷魚，尖吻鱸同三文魚煎得啱啱好！龍蝦尾肉質彈口，大蝦、生蠔都十分大隻同新鮮絕對係樣樣都整得咁出色✨$160澳幣計返係HKD$700到咁嘅分量同質素，大家Share 食十分抵💯推薦度：⭐⭐⭐⭐⭐/ 5跟住就叫咗袋鼠肉Kangaroo $30澳幣 印象中第一次食😵💫第一啖感覺有少少騷，口感似比較韌嘅牛肉不過其實佢整體都算整得好味，汁都調得好好！推薦度：⭐⭐⭐⭐/ 5之後就叫返啲澱粉質嚟個基本 Seafood Risotto $29澳幣食落都十分足料，亦都唔會好鹹，正常水準推薦度：⭐⭐⭐⭐/ 5 我哋最後仲叫咗Penne Amatriciana呢張相就會見到個海鮮拼盤係十分大同份量多🥰 整個晚餐都食得好開心！侍應服務態度好～上菜速度都合理😋📍Grill Steak Seafood 68 Hardware Ln, Melbourne VIC 3000推薦度：⭐⭐⭐⭐⭐/ 5最後講埋墨爾本嘅交通，墨爾本市區交通主要有地面電車、地鐵、巴士交通唔算係十分方便，但大部分地區都會覆蓋到不過路線主要都係由市中心出發好少甚至冇路線由一個區到第二個區 最特別就係墨爾本市中心會有個Free Tram Zone，喺以下呢個範圍搭就會係免費，其實都有啲景點係免費區入邊，整合咗啲資料俾大家參考詳情參考 除咗Free Tram Zone 之外，其他收費嘅交通就唔太平，而且墨爾本嘅交通暫時仲未可以用到信用卡俾錢，一定要買佢地嘅Myki，即係類似香港八達通嘅卡 一張成人嘅Myki就要 澳幣$6 不過Myki 都勝在可以喺好多地方都買到而且增值都冇設最低限額，就算增值澳幣$1 都可以建議大家都係去到先買都未遲，如果想提前買定計埋寄過嚟嘅時間都要兩星期以上市區大部分景點都好近地鐵站，不過地鐵嘅速度/ 班次，尤其星期六、日、假期都好唔穩定，如果多人可以Share 車費，都可以考慮Uber/ 的士墨爾本的士費用參考最後送一張墨爾本聖誕嘉年華嘅相俾大家 多謝大家收看💛下次會講下墨爾本嘅大洋路自駕遊💛💛鍾意嘅記得睇埋我嘅其他遊記：🇭🇰參觀大坑一級歷史建築虎豹別墅🇦🇺墨爾本必去景點🇫🇷羅浮宮攻略篇🇻🇳越南峴港三日月日式水療度假村
