上集同大家介紹咗墨爾本嘅兩大市集今次同大家介紹下主要景點😍📍第一站：維多利亞州立圖書館📚 呢個圖書館雖然喺1854 年建成，但入到去完全唔覺咁耐歷史，不過行入啲就會發現佢都有懷舊啲嘅一面呢個全球最繁忙嘅圖書館之一，全因入面有個好靚嘅打卡位好多人會再上去以最高嘅角度睇，不過我就冇再特別上去到此一遊～ 雖然呢個位好靚，但因為實在太多遊客，呢個位好似長期冇人喺度溫習感覺仲好似浪費咗呢個地方推薦度：⭐⭐⭐⭐/ 5📍State Library Victoria開放時間：星期一至日；1000-1800地址：328 Swanston St, Melbourne VIC 3000📍第二站：墨爾本皇家植物園🌺去植物公園都算係我出發前其中一個期待嘅行程因為嚟到澳洲當然要親親大自然我哋就係遊客中心嗰個位置入 門口對面就係墨爾本戰爭紀念館，紀念在第一次世界大戰為國捐驅的維多利亞州市民 植物公園好大，我哋當然係行唔哂 我都好簡單咁行咗大半個公園，途中嘅河同湖都十分靚，大家都好愛惜呢個地方環境都十分乾淨經過見到啲收費嘅表演項目～ 湖邊都有艇可以坐，三位成人澳幣90元 途中會連埋一啲簡單嘅講解，我哋當然冇坐😆 入面仲有好多小花園～ 📍Royal Botanic Gardens Victoria開放時間：星期一至日；7:30-19:30；參考地址：Melbourne VIC 3004推薦度：⭐⭐⭐⭐⭐/ 5📍第三站：DFO Outlet 今次揀咗去呢個入面主要分咗3 層到地下主要係食嘢，仲有一啲名店嘅Outlet 而地面就有好受歡迎嘅運動品牌 好多人喺Nike / Adidas 都買咗好多咁出嚟不過我就唔係好睇得啱最上面就有藥房同一啲傢俬舖 我係藥房度入手咗啲hand cream 細細枝都好唔錯㗎！不過整體就覺得呢個Outlet 麻麻地適合我了～📍DFO South Wharf Outlet開放時間：星期一至日；主要開1000-1800；星期日開放至2100地址：20 Convention Centre Pl, South Wharf VIC 3006推薦度：⭐⭐⭐/ 5今集嘅澳洲景點篇就去到呢度！下次繼續講～💛鍾意嘅記得睇埋我嘅其他遊記：🇭🇰參觀大坑一級歷史建築虎豹別墅🇨🇳深圳BB班🇫🇷羅浮宮攻略篇🇻🇳越南峴港三日月日式水療度假村
