2024年聖誕節去咗墨爾本,今集一於同大家分享下當地嘅市集同好味嘅餐廳! 墨爾本嘅市中心有幾個市集,雖然數量唔算多,但係市集面積都相當大由於我哋行程都好緊密,最後揀咗行兩大市集,其實兩個Market 都有啲似 📍第一站:South Melbourne Market 呢個會係個人嚟講到比較喜歡嘅 Market 因為入面嘅店舖比較多元化除咗引入其他國家嘅貨品,亦有好多澳洲自家品牌~ ✨小店推介📍 La Sierra👚呢間小店喺熱鬧嘅Market之中別墅一格入邊賣好多好舒服,又高質嘅針織品原材料都來自秘魯同埋厄瓜多爾嘅羊駝毛纖維製作,望落去十分舒服同保暖大家有興趣嘅可以先瀏覽佢哋嘅網站佢哋嘅頸巾同埋上衣設計簡單但質素唔錯📍 Yodgee footwear 👢 網站你都澳洲都要買一對Blundstone 喺香港買絕對唔平,款式又唔多但係喺呢間喺市集入面嘅鞋店就完全相反款式又多,仲經常On Sale~我自己都買咗一對,都係$235 AUD 計返都係港幣$1100到,喺香港都起碼要$1500或以上有時仲要未必有啱嘅碼開心喺度遇到唔錯嘅服務員,搵到一對啱size嘅鞋如果短boot唔啱心水,呢間舖頭都有好多Birkenstock 同 Dr Martens 嘅拖鞋同埋皮鞋款,價錢都相對合宜,值得推介📍Create the Best Toy 🧸仲有呢間玩具舖都十分有驚喜雖然舖頭比較細,但入邊嘅玩具種類非常之多除咗又可以喺戶外外玩嘅遊戲玩具仲有貼紙書、桌遊、煮飯仔等真係應有盡有,而且仲有個架係賣特價玩具有啲玩具只需$10 AUD,計返都係$50港紙,都好難喺其他地方搵到📍 AKANA 👟最後仲有呢間由土耳其入口嘅鞋店推廣barefoot shoes,鞋嘅款式同埋顏色就好多選擇鍾意嘅都可以留意吓佢哋嘅網站📍South Melbourne Market開放時間:星期三、五、六、日 // 0800-1600出發前睇多次開放時間地址:322-326 Coventry St, South Melbourne VIC 3205😋飲飲食食喺Victoria Market 入面都都多啲熟食檔 亦都好多人喺度買生肉返屋企烹調~當然仲有馳名嘅袋鼠肉同兔肉 🥘餐廳推介而圍住Market 出面都有好多餐廳,我哋食咗呢間叫 Simply Spanish~等咗一陣終於有得食啦!入到去先發現餐廳老闆都同過幾多人名人影相 首先一定要叫杯Spanish Coffee 先啦!AUD $7唔使港紙$40 就有咁靚嘅咖啡好開心~推薦度:⭐⭐⭐⭐/ 5 之後叫咗慢煮牛 Slow cooked beef ribs AUD$36港紙$180到,以呢個價錢性價比十分高,牛肉煮得十分入味,肉質又嫩滑~好味推薦度:⭐⭐⭐⭐/ 5 跟住就到等咗半個鍾先有嘅西班牙海鮮炒飯二人份量 Seafood Paelle AUD$78做法十分正宗,海鮮鮮味十足,如果有3-4個人嚟袋,真係必點菜~推薦度:⭐⭐⭐⭐/ 5 📍Simply Spanish開放時間:星期三至日;實際開放時間參考地址:116 Cecil St, South Melbourne VIC 3205📍第二站:Queen Victoria Market 另外就係位於較北位置嘅維多利亞市場喺係Free Tram Zoom 嘅最後一個站,所以交通都十分方便我哋聖誕節去仲有一棵好靚嘅聖誕樹添 相比起上面嘅South Melbourne Market,呢個Market 市場就相對感覺比較貼地入邊賣嘅貨品同價格都好唔同室內同室外都有~室內都有啲復古或者較廉價嘅產品 出面都有好多唔同舖頭 嘢食方面就有美食車 入邊就有分蔬果、凍肉同埋熟食檔見到好多本地人都會喺嗰度買餸 見到減價嘅時候牛油果會買到澳紙$1 一個或者澳紙$5 就可以買到 3細盒藍莓~我哋最後揀咗食呢間 Saltwater Sushi and Oyster Bar 呢間餐廳有壽司、有生蠔、有肉,我哋叫咗一份魚,一份芝士生蠔,魚新鮮出爐十分新鮮推薦度:⭐⭐⭐⭐/ 5 可惜生蠔就因為只係嗌之後再加熱,所以就麻麻地好味了~推薦度:⭐⭐/ 5 仲有BBQ Ribs from Rubens Grill醬汁唔會太鹹,仲有少少肉汁,估唔到Food Court 嘅野食都做到餐廳嘅水準加埋薯條~Very Good! 推薦度:⭐⭐⭐⭐/ 5 兩個市集大約就講到呢度~唔知大家會鍾意邊個多啲呢?下集繼續【🇦🇺這個聖誕不太冷】